Daily Archives: 10th June 2020

മാഹി: പള്ളൂർ സ്വദേശിയായ ഇരുപത്തിയെട്ടുകാരന് ഇന്ന് കൊവിഡ് സ്ഥിരീകരിച്ചതോടെ മാഹിയിലെ കൊവിഡ് രോഗികളുടെ എണ്ണം ഏഴായി. ഈ മാസം 3ന് ദുബൈയിൽ നിന്ന് നാട്ടിലെത്തിയ യുവാവിനാണ് ഇന്ന് രോഗം സ്ഥിരീകരിച്ചത്. നിലവിൽ 3 പേരാണ് മാഹിയിൽ വൈറസ് ബാധയെ തുടർന്ന് ചികിത്സയിൽ കഴിയുന്നത്. അതേസമയം സംസ്ഥാനത്ത് ഇന്ന് 65 പേർക്കാണ് കൊവിഡ് സ്ഥിരീകരിച്ചത്. 57 പേർ രോഗമുക്തി നേടുകയും ചെയ്തു. ഇതില്‍ 34 പേര്‍ വിദേശ രാജ്യങ്ങളില്‍ നിന്ന് വന്നവരും 25 പേര്‍ മറ്റ് സംസ്ഥാനങ്ങളില്‍...

തിരുവനന്തപുരം:അനധികൃത സ്വത്ത് സമ്പാദനക്കേസിൽ  ക്രൈംബ്രാഞ്ച് എഡിജിപി ടോമിൻ ജെ തച്ചങ്കരിക്കെതിരെ  വിജിലൻസ് അന്വേഷണം തുടരാമെന്ന്  ഹൈക്കോടതി. അന്വേഷണത്തിന് സ്റ്റേ ആവശ്യപ്പെട്ട് തച്ചങ്കരി നൽകിയ ഹർജിയാണ് കോടതി ഇന്ന് തള്ളിയത്. ഇതേ കേസിൽ സമർപ്പിച്ച വിടുതൽ ഹർജി മെയ് 29ന് കോട്ടയം വിജിലൻസ് കോടതിയും തള്ളിയിരുന്നു.  2003-07 കാലഘട്ടത്തിനുള്ളിൽ ഔദ്യോ​ഗിക പദവി ദുരുപയോ​ഗം ചെയ്ത് ടോമിൻ ജെ തച്ചങ്കരി 65 ലക്ഷത്തിലധികം രൂപ അനധികൃതമായി സമ്പാദിച്ചന്നാണ് കേസ്.

തൃശൂർ: അതിരപ്പിള്ളി ജലവൈദ്യുതി പദ്ധതിയുമായി മുന്നോട്ട് പോകാൻ കെഎസ്ഇബിക്ക് അനുമതി നൽകിയ സംസ്ഥാന സർക്കാർ നടപടിയെ വിമർശിച്ച് സിപിഐ രംഗത്ത്. ഇടത് മുന്നണി നയം അതല്ലെന്ന് ബിനോയ് വിശ്വം അഭിപ്രായപ്പെട്ടു. അതിരപ്പിള്ളി  പദ്ധതി ഒരു കാരണവശാലും നടപ്പാക്കാൻ അനുവദിക്കില്ലെന്നും സർക്കാർ തീരുമാനം പിൻവലിക്കണമെന്നും പ്രതിപക്ഷ  നേതാവ് രമേശ് ചെന്നിത്തല പറഞ്ഞു. ഇത് ജനവഞ്ചന ആണെന്നും ശക്തമായ നിലപാടുമായി മുന്നോട്ട് പോകുമെന്നും അദ്ദേഹം കൂട്ടിച്ചേർത്തു.

തിരുവനന്തപുരം: കേരള പോലീസിന്റെ 27ൽ പരം സേവനങ്ങൾ ഒരൊറ്റ ആപ്പില്‍ ലഭ്യമാകുന്ന സംവിധാനം ഇന്ന് മുതൽ നിലവിൽ വന്നു. 'പോല്‍-ആപ്പ്' എന്ന് പേരിട്ടിരിക്കുന്ന മൊബൈല്‍ ആപ്ലിക്കേഷന്‍ മുഖ്യമന്ത്രി പിണറായി വിജയനാണ് പ്രകാശനം ചെയ്തത്. സ്ത്രീകളുടേയും കുട്ടികളുടേയും സുരക്ഷയ്ക്കായി പ്രത്യേക സംവിധാനം ഈ ആപ്പിൽ ഉൾപ്പെടുത്തിയുണ്ട്. കേരളാ പോലീസിലെ എല്ലാ റാങ്കിലെ ഉദ്യോഗസ്ഥരുടെയും ഫോണ്‍ നമ്പര്‍, ഇ-മെയില്‍ വിലാസവും ഇതിൽ ലഭ്യമാണ്.

കോട്ടയം: കോപ്പിയടിച്ചെന്ന ആരോപണത്തെ തുടർന്ന് ആത്മഹത്യ ചെയ്ത വിദ്യാർത്ഥിനി അഞ്ചു ഷാജിയുടെ മരണത്തിൽ എംജി സർവകലാശാലയും പൊലീസും അന്വേഷണം ആരംഭിച്ചു. പെൺകുട്ടി കോപ്പിയടിക്കില്ലെന്ന വാദം ഉയർന്നിരിക്കുന്ന സാഹചര്യത്തിൽ ശാസ്ത്രീയമായി കയ്യക്ഷരം അടക്കം പരിശോധിക്കാനാണ് തീരുമാനം. കോപ്പിയടിച്ചെന്ന പേരിൽ അഞ്ജുവിനെ ഒരു മണിക്കൂർ ക്ലാസിലിരുത്തിയ സാഹചര്യം ഗൗരവമായി പരിശോധിക്കുമെന്ന് ബിവിഎം കോളേജിലെത്തിയ സിൻഡിക്കേറ്റ് ഉപസമിതിയും വ്യക്തമാക്കി. 

ഡൽഹി: ചൈനക്കാര്‍ ഇന്ത്യന്‍ പ്രദേശം കൈയ്യടക്കിയിട്ടും പ്രധാനമന്ത്രി നരേന്ദ്ര മോദി പൂര്‍ണമായും നിശബ്ദനാണെന്ന് കോണ്‍ഗ്രസ് നേതാവ് രാഹുല്‍ ഗാന്ധി. ഗല്‍വാന്‍ താഴ്‌വരയിലെയും പാന്‍ഗോങിലേയും പ്രദേശങ്ങള്‍ തങ്ങളുടേതാണെന്ന ചൈനയുടെ അവകാശവാദം ചൂണ്ടിക്കാട്ടിയയാണ് അദ്ദേഹം ട്വിറ്ററിലൂടെ വിമർശനം ഉയർത്തിയത്.  ലഡാക്കില്‍ ചൈന ഇന്ത്യന്‍ പ്രദേശം കൈയ്യടക്കിയിട്ടുണ്ടോയെന്ന് പ്രധാനമന്ത്രി രാജ്യത്തെ ജനങ്ങളോട് പറയണമെന്ന് രാഹുല്‍ ഗാന്ധി കഴിഞ്ഞ ദിവസം പറഞ്ഞിരുന്നു.

ന്യൂഡല്‍ഹി:കൊവിഡ് രോഗികളെ ചികിത്സിക്കുന്നതുമായി ബന്ധപ്പെട്ട് ലഫ്.ഗവര്‍ണര്‍ അനില്‍ ബൈജാലിന്റെ തീരുമാനം അംഗീകരിക്കുന്നുവെന്നും എല്ലാ രോഗികള്‍ക്കും ഡല്‍ഹിയില്‍ ചികിത്സ ഉറപ്പാക്കുമെന്നും മുഖ്യമന്ത്രി അരവിന്ദ് കെജ്‌രിവാൾ. ഡല്‍ഹി സംസ്ഥാന സര്‍ക്കാരിനു കീഴിലുള്ള എല്ലാ ആശുപത്രികളിലും ഡൽഹി നിവാസികൾക്ക് മാത്രമേ ചികിത്സ ഉണ്ടാകു എന്ന പ്രസ്താവനയാണ് മുഖ്യമന്ത്രി ഇപ്പോൾ തിരുത്തിയിരിക്കുന്നത്. രാഷ്ട്രീയം കളിക്കാനോ വിസമ്മതിക്കാനോ ഉള്ള സമയമല്ല ഇതെന്നും കൊവിഡിനെതിരെയുള്ള പോരാട്ടത്തില്‍ രാജ്യം ഒന്നിക്കണമെന്നും അദ്ദേഹം പറഞ്ഞു.

കോഴിക്കോട്: കൊവിഡ് കാലത്ത് ഗൾഫിൽ കുടുങ്ങിയ ഗര്‍ഭിണികളെ നാട്ടിലെത്തിക്കാൻ മുൻകയ്യെടുത്ത നതിന്‍ ചന്ദ്രന്‍റെ ഭൗതികശരീരം പേരാമ്പ്രയിൽ ഇന്ന് ഒരുമണിയോടെ  സംസ്കാര ചടങ്ങുകള്‍ നടത്തി. ഏറ്റവും അടുത്ത ബന്ധുക്കള്‍ക്ക് മാത്രമാണ് മൃതദേഹം കാണാന്‍ അനുമതി നൽകിയത്. പ്രസവ ശേഷം കോഴിക്കോട്ടെ സ്വകാര്യ ആശുപത്രിയിൽ കഴിയുന്ന ഭാര്യ ആതിരയെ മോര്‍ച്ചറിക്ക് സമീപം വീൽചെയറിലെത്തിച്ചാണ്  മൃതദേഹം കാണിക്കാൻ സൗകര്യം ഒരുക്കിയത്.

പത്തനംത്തിട്ട:കൊവിഡ് രോഗവ്യാപനത്തിന് സാധ്യതയുള്ളതിനാൽ ശ​ബ​രി​മ​ല​യി​ല്‍ ഭ​ക്ത​രെ പ്രവേശിക്കരുതെന്ന് ത​ന്ത്രി ക​ണ്ഠ​ര​ര് മ​ഹേ​ഷ് മോ​ഹ​ന​ര്. മി​ഥു​ന​മാ​സ​പൂ​ജ​യ്ക്കാ​യി  ന​ട തു​റ​ക്കാ​നി​രി​ക്കെ​യാ​ണ് തന്ത്രി ദേ​വ​സ്വം ക​മ്മീ​ഷ​ണ​ര്‍​ക്ക് കത്ത് നൽകിയത്. ഉ​ത്സ​വം മാ​റ്റി​വ​യ്ക്കു​ന്ന​താ​ണ് ന​ല്ല​തെ​ന്നും അദ്ദേഹം കത്തിൽ ചൂണ്ടിക്കാട്ടിയിട്ടുണ്ട്. ച​ട​ങ്ങു​ക​ളി​ല്‍ പ​ങ്കെ​ടു​ക്കു​ന്ന ആ​ര്‍​ക്കെ​ക്കെ​ങ്കി​ലും രോ​ഗ ബാ​ധ സ്ഥി​രീ​ക​രി​ച്ചാ​ല്‍ ക്ഷേ​ത്ര​വു​മാ​യി ബ​ന്ധ​പ്പെ​ട്ട് പ്ര​വ​ര്‍​ത്തി​ക്കു​ന്ന എ​ല്ലാ​വ​രും നി​രീ​ക്ഷ​ണ​ത്തി​ല്‍ പോ​കേ​ണ്ടിവരുമെന്നും ഇതോടെ ഉ​ത്സ​വ ച​ട​ങ്ങു​ക​ള്‍ ആ​ചാ​ര​പ്ര​കാ​രം പൂ​ര്‍​ത്തി​യാ​ക്കാ​ന്‍  സാധിക്കാതെ വരുമെന്നും  ത​ന്ത്രി പറഞ്ഞു.

തിരുവനന്തപുരം: തിരുവനന്തപുരം മെഡിക്കൽ കോളജ് കൊവിഡ് വാര്‍ഡിൽ ആത്മഹത്യക്ക് ശ്രമിച്ച ആനാട് സ്വദേശി മരിച്ചു. ഇന്നലെ ആശുപത്രി ജീവനക്കാരുടെ കണ്ണുവെട്ടിച്ച് ആശുപത്രിയിൽ നിന്ന് ചാടിപ്പോയ ഇയാളെ പിടികൂടി തിരിച്ചെത്തിച്ചിരുന്നു. എന്നാൽ രണ്ടു കൊവിഡ് പരിശോധനാ ഫലങ്ങളും നെഗറ്റീവ് ആയതോടെ ഡിസ്ചാർജ് ചെയ്യാനിരിക്കെയാണ് യുവാവ് ആത്മഹത്യ ചെയ്തത്. വീട്ടിൽ പോയ ശേഷം കഴിക്കാനുള്ള മരുന്നുകൾ കുറിച്ചു നൽകാനായി നഴ്സ് മുറിയിലെത്തിയപ്പോഴാണ് ഇയാളെ മരിച്ച നിലയിൽ കണ്ടെത്തിയത്. യുവാവിന് മദ്യാസക്തി ഉണ്ടായിരുന്നതായി ആശുപത്രി...