29 C
Kochi
Wednesday, September 30, 2020

Daily Archives: 26th June 2020

ന്യൂഡല്‍ഹി:കൊവിഡ് വ്യാപനം രൂക്ഷമായ സാഹചര്യത്തില്‍ രാജ്യത്ത് സാധാരണ ട്രെയിന്‍ സര്‍വീസുകള്‍ ഓഗസ്റ്റ് 12 വരെ ഉണ്ടാകില്ല. മെയില്‍, എക്‌സ്പ്രസ്, പാസഞ്ചര്‍, സബര്‍ബന്‍ ട്രെയിനുകളാണ് റദ്ദാക്കിയതെന്ന് റെയില്‍വെ ബോര്‍ഡ് വ്യക്തമാക്കി. ജൂണ്‍ 30 വരെ വരെ യാത്ര ചെയ്യുന്നതിനായി സാധാരണ ടൈംടേബിള്‍ പ്രകാരമുള്ള ട്രെയിനുകളില്‍ ബുക്കുചെയ്ത ടിക്കറ്റുകള്‍ റദ്ദാക്കും. ഇതോടൊപ്പം ജൂലൈ ഒന്നുമുതല്‍ ഓഗസ്റ്റ് 12 വരെ  സാധാരണ ടൈംടേബിള്‍ പ്രകാരമുള്ള ട്രെയിനുകളില്‍  ബുക്ക് ചെയ്ത ടിക്കറ്റുകള്‍ റദ്ദാക്കാനും നിര്‍ദേശമുണ്ട്. ടിക്കറ്റിന്‍റെ  മുഴുവന്‍ തുകയും തിരിച്ചു നല്‍കും.
തിരുവനന്തപുരം: സംസ്ഥാനത്ത് ഇന്ന് പുതുതായി 150 പേര്‍ക്ക് കൊവിഡ് സ്ഥിരീകരിച്ചതായും 65 പേർ രോഗമുക്തരായതായും ആരോഗ്യമന്ത്രാലയം അറിയിച്ചു. പാലക്കാട്- 23, ആലപ്പുഴ- 21, കോട്ടയം- 18 പേര്‍ക്കും, മലപ്പുറം- 16 കൊല്ലം- 16 ,കണ്ണൂര്‍- 13, എറണാകുളം- 9, തിരുവനന്തപുരം- 7, തൃശൂര്‍- 7, കോഴിക്കോട്- 7, വയനാട്- 5, പത്തനംതിട്ട- 4, ഇടുക്കി- 2, കാസര്‍കോട്- 2 എന്നിങ്ങനെയാണ് ജില്ല തിരിച്ചുള്ള രോഗബാധിതരുടെ എണ്ണം.ഇന്ന് രോഗം സ്ഥിരീകരിച്ചവരില്‍ 91 പേര്‍ വിദേശ രാജ്യങ്ങളില്‍...
തിരുവനന്തപുരം:കൊവിഡ് പ്രതിസന്ധിയില്‍ ബസ് നിരക്ക് കൂട്ടാൻ  ജസ്റ്റിസ് രാമചന്ദ്രൻ കമ്മീഷൻ ഇടക്കാല റിപ്പോർട്ട് നൽകി. മിനിമം നിരക്ക് 10 രൂപയാക്കുന്നത് അടക്കമുള്ള 3 ശുപാർശകളാണ് റിപ്പോർട്ടിലുള്ളത്. മിനിമം ചാർജ്ജ് 8 രൂപയായി തുടരുകയാണെങ്കിൽ ദുരം കുറയ്ക്കണമെന്നാണ് ശുപാർശ. ലോക്ക്ഡൗണിനെ തുടർന്ന് യാത്രക്കാരില്ലാതായതോടെ സ്വകാര്യ ബസ്സുകള്‍ നഷ്ടത്തിലായ സാഹചര്യം കണക്കിലെടുത്താണ് ശുപാര്‍ശ.
ഡൽഹി: ആഗ്രയിലെ കൊവിഡ്​ മരണം സംബന്ധിച്ച് യുപി സർക്കാറിനെതിരെ ഉന്നയിച്ച ആരോപണത്തില്‍ നിന്ന് പിന്നോട്ടില്ലെന്ന് കോൺഗ്രസ്​ നേതാവ് പ്രിയങ്ക ഗാന്ധി. ഉത്തർ പ്രദേശ് സർക്കാറിനെതിരായ വിമർശനത്തിന്‍റെ പേരിൽ എന്ത് നടപടി സ്വീകരിച്ചാലും സത്യം വിളിച്ചു പറയുക തന്നെ ചെയ്യുമെന്ന് പ്രിയങ്ക ഗാന്ധി വ്യക്തമാക്കി. പൊതുപ്രവര്‍ത്തക എന്ന നിലയില്‍ സത്യം ജനങ്ങള്‍ക്കു മുന്നില്‍ തുറന്നുകാട്ടുക എന്ന കര്‍ത്തവ്യം നിറവേറ്റുമെന്നും പ്രിയങ്ക ട്വിറ്ററിലൂടെ ചൂണ്ടിക്കാട്ടി. താന്‍ ഇന്ദിരാഗാന്ധിയുടെ കൊച്ചുമകളാണ്, ചില നേതാക്കളേപ്പോലെ ബിജെപിയുടെ...
കൊച്ചി: 2016 ഡിസംബര്‍ 31ന് കാലാവധി തീര്‍ന്ന റാങ്ക് പട്ടികയില്‍ നിന്ന് 2,455 പേര്‍ക്ക് താല്‍ക്കാലിക നിയമനം നല്‍കണമെന്ന് ഹൈക്കോടതി നിർദ്ദേശിച്ചു. സംവരണ, സീനിയോറിറ്റി മാനദണ്‌ഡങ്ങൾ അനുസരിച്ചായിരിക്കണം നിയമനം. റാങ്ക് പട്ടികയിൽ നിന്ന് യോ​ഗ്യരായവരുടെ പട്ടിക രണ്ടാഴ്ച്ചയ്ക്കകം പി എസ് സി കെഎസ്ആർടിസിക്ക് നൽകണം. പി എസ് സി കൈമാറുന്ന പട്ടികയിൽ നിന്നുള്ളവരെ ഓരോ ഡിപ്പോകളിലെയും ഒഴിവുകളനുസരിച്ച് താത്കാലിക ഡ്രൈവർമാരെ നിയമിക്കണമെന്നാണ് നിര്‍ദേശം.
തിരുവനന്തപുരം: പുതിയ സിനിമകളെടുക്കരുതെന്ന കൂട്ടായ തീരുമാനം ഒരു വിഭാഗം ലംഘിക്കുകയാണെന്ന് നിര്‍മാതാക്കളുടെ സംഘടന ആരോപിച്ചു. വിമതനീക്കം നടത്തുന്നവരുടെ സിനിമ തീയേറ്ററില്‍ പ്രദര്‍ശിപ്പിക്കില്ലെന്ന് അസോ. നിര്‍വ്വാഹക സമിതി അംഗം സിയാദ് കോക്കര്‍ പറഞ്ഞു. ഇപ്പോള്‍ കാണിക്കുന്നത് അവരുടെ അറിവില്ലായ്മയും സംസ്കാര ശൂന്യതയുമാണെന്ന് അദ്ദേഹം കുറ്റപ്പെടുത്തി. പുതിയ സിനിമകള്‍ പ്രദര്‍ശിപ്പിക്കില്ലെന്ന കാര്യത്തില്‍ തീയേറ്റര്‍ ഉടമകളുടെ ഉറപ്പ്  ലഭിച്ചിട്ടുണ്ടെന്നും ഏതെങ്കിലും ഗ്രൗണ്ടില്‍പ്രദര്‍ശിപ്പിക്കുകയാകും ഉചിതമെന്നും സിയാദ് കോക്കര്‍ പറഞ്ഞു.
തിരുവനന്തപുരം: സംസ്ഥാനത്ത് സാമൂഹിക വ്യാപനം ഉണ്ടോയിട്ടണ്ടോ എന്ന് കണ്ടത്താന്‍ തുടങ്ങിയ ആന്റിബോഡി ദ്രുത പരിശോധന താല്‍ക്കാലികമായി നിര്‍ത്തുന്നു. പരിശോധന കിറ്റിന് ക്ഷമത പോരെന്ന് കണ്ടെത്തിയതിനെ തുടര്‍ന്നാണിത്. മെഡിക്കല്‍ സര്‍വീസസ് കോര്‍പറേഷന്റെ പക്കലുളള കിറ്റുകള്‍ തിരിച്ചെടുക്കണമെന്ന് ആരോഗ്യ സെക്രട്ടറി ഹിന്ദുസ്ഥാന്‍ ലൈഫ് കെയര്‍ ലിമിറ്റഡിന് നിര്‍ദേശം നല്‍കി.  
ഗുവാഹട്ടി: കൊവിഡ് വ്യാപന പശ്ചാത്തലത്തിൽ ഗുവാഹട്ടിയില്‍ തിങ്കളാഴ്ച മുതല്‍ രണ്ടാഴ്ചത്തേക്ക് സമ്പൂര്‍ണ്ണ ലോക്ക്ഡൗണ്‍ പ്രഖ്യാപിച്ചു. അസമിലുടനീളം രാത്രി കര്‍ഫ്യൂയും ഏർപ്പെടുത്തി. ഇത് കൂടാതെ അസമിലെ നഗരപ്രദേശങ്ങളില്‍ ശനിയാഴ്ചയും ഞായറാഴ്ചയും വാരാന്ത്യ ലോക്ക്ഡൗണും നടപ്പിലാക്കുമെന്ന് സംസ്ഥാന സർക്കാർ അറിയിച്ചു. വടക്ക് കിഴക്കന്‍ സംസ്ഥാനങ്ങളില്‍ വെച്ച് ഏറ്റവും കൂടുതൽ വൈറസ് ബാധിതരുള്ളത് അസമിലാണ്. നിലവിൽ 6300 കൊവിഡ് രോഗികളാണ് അസമില്‍ ചികിത്സയിൽ കഴിയുന്നത്.
ലഡാക്ക്: കരസേനയും വ്യോമസേനയും സംയുക്ത ഓപ്പറേഷനുള്ള തയ്യാറെടുപ്പ് ലഡാക്കിൽ പൂർത്തിയാക്കി. 35,000 സൈനികരെ കൂടി ഇന്ത്യ മേഖലയിൽ എത്തിച്ചു.  യുദ്ധടാങ്കുകളും തോക്കുകളും അതിർത്തിക്ക് അടുത്തേക്ക് നീക്കുകയും ചെയ്തു.   ഇന്ത്യ- ചൈന അതിർത്തിയിൽ സ്ഥിതി വീണ്ടും വഷളാകുകയാണെന്ന സൂചനയാണ് ലഭിക്കുന്നത്. കരസേനാമേധാവി ജനറൽ എം എം നരവനെ തയ്യാറെടുപ്പുകള്‍  പ്രതിരോധമന്ത്രി രാജ്നാഥ് സിംഗിനെ അറിയിച്ചു.  
കൊച്ചി: സിപിഎം കളമശ്ശേരി ഏരിയാ സെക്രട്ടറി സക്കീർ ഹുസൈനെ പാര്‍ട്ടിയില്‍ നിന്ന് സസ്പെന്‍ഡ് ചെയ്ത നടപടി സംസ്ഥാന സെക്രട്ടറിയേറ്റ് അംഗീകരിച്ചു. സക്കീർ ഹുസൈനെ ആറ് മാസത്തേക്ക് പാർട്ടിയിൽ നിന്ന് സസ്പെൻഡ് ചെയ്ത ജില്ലാ കമ്മിറ്റിയുടെ തീരുമാനമാണ് സംസ്ഥാന സെക്രട്ടറിയേറ്റ് യോഗം ശരിവെച്ചത്. അനധികൃത സ്വത്ത് സമ്പാദനം സംബന്ധിച്ച കണ്ടെത്തലിനെ തുടര്‍ന്നായിരുന്നു നടപടി. പാർട്ടി അന്വേഷണ കമ്മീഷൻ റിപ്പോർട്ടിന്റെ അടിസ്ഥാനത്തിലായിരുന്നു തീരുമാനം.