25 C
Kochi
Friday, July 30, 2021

Daily Archives: 13th June 2020

ന്യൂഡല്‍ഹി:കൊവിഡ് വ്യാപനത്തെക്കുറിച്ചും ലോക്ക് ഡൗണ്‍ ഇളവുകളെക്കുറിച്ചും പ്രധാനമന്ത്രി നരേന്ദ്ര മോദി സംസ്ഥാന മുഖ്യമന്ത്രിമാരുമായി ചര്‍ച്ചചെയ്യും. ഈ മാസം 16, 17 തീയതികളില്‍ അദ്ദേഹം മുഖ്യമന്ത്രിമാരുമായി വീഡിയോ കോണ്‍ഫറന്‍സ് വഴിയാണ് ആശയവിനിമയം നടത്തുക. ഇളവുകള്‍ക്ക് പിന്നാലെ കൊവിഡ് ബാധിതരുടെ എണ്ണത്തില്‍ വന്‍ വര്‍ധനവാണ് രാജ്യത്തുണ്ടായിരിക്കുന്നത്. ഇക്കാര്യം യോഗത്തില്‍ വിലയിരുത്തും. കൊവിഡ് സ്ഥിതിഗതികള്‍ വിലയിരുത്താന്‍ സംസ്ഥാന മുഖ്യമന്ത്രിമാരുമായി പ്രധാനമന്ത്രി നടത്തുന്ന ആറാമത്തെ കൂടിക്കാഴ്ചയാണിത്.  
ബെയ്ജിങ്:ചെെനയില്‍ പുതുതായി പതിനൊന്ന് കൊവിഡ് കേസുകള്‍  റിപ്പോര്‍ട്ട് ചെയ്തു. ബെയ്ജിങ്ങിലെ മാംസ മാര്‍ക്കറ്റുമായി ബന്ധപ്പെട്ടാണ് വീണ്ടും പുതിയ കൊവിഡ് കേസുകള്‍ സ്ഥിരീകരിച്ചത്. ഇതോടെ ബെയ്ജിങ്ങില്‍ വീണ്ടും ലോക്ഡൗണ്‍ പ്രഖ്യാപിച്ചു. പുതിയ കൊവിഡ് കേസുകള്‍ റിപ്പോര്‍ട്ട് ചെയ്ത പശ്ചാത്തലത്തില്‍ സമീപത്തുള്ള ഒമ്പത് സ്‌കൂളുകളും അടച്ചിട്ടുണ്ട്.
ന്യൂഡല്‍ഹി:വന്ദേഭാരത് മിഷന്‍ ദൗത്യത്തിന്‍റെ മൂന്നാം ഘട്ടത്തില്‍ പ്രവാസികളെ നാട്ടിലെത്തിക്കാന്‍ ഒമാനില്‍ നിന്ന് ഇന്ത്യയിലേക്ക് 23 വിമാന സർവീസുകളുണ്ടാകും. ഇതില്‍ 15 വിമാനങ്ങള് കേരളത്തിലേക്ക് സര്‍വീസ് നടത്തും. മസ്കറ്റ് ഇന്ത്യൻ എംബസിയാണ് ഇക്കാര്യം അറിയിച്ചത്. ആറു സർവീസുകൾ കൊച്ചിയിലേക്കും നാല് സർവീസുകൾ തിരുവന്തപുരത്തേക്കും മൂന്നു വിമാനങ്ങൾ കോഴിക്കോട്ടേക്കും രണ്ടു വിമാനങ്ങള്‍ കണ്ണൂരിലേക്കുമാണുള്ളത്.
ശ്രീനഗര്‍:ജമ്മുകശ്മീരിലെ കുൽഗാമയിലും അനന്തനാഗിലും സുരക്ഷസേനയും ഭീകരരും തമ്മിൽ ഏറ്റുമുട്ടി. രണ്ടിടങ്ങളിലുമായി നടന്ന ഏറ്റുമുട്ടലില്‍ നാല് തീവ്രവാദികളെ സുരക്ഷാ സേന വധിച്ചു. അനന്ത്നാഗില്‍ കൊല്ലപ്പെട്ടവര്‍ ഹിസ്ബുള്‍  തീവ്രവാദികളാണെന്നാണ് വിവരം. ഇവിടെ ഇപ്പോഴും ഏറ്റുമുട്ടല്‍ തുടരുകയാണ്. കഴിഞ്ഞ ഒരാഴ്ചക്കിടെ കശ്മീരില്‍ നടക്കുന്ന നാലാമത്തെ ഏറ്റുമുട്ടലാണിത്‌. നേരത്തെ നടന്ന ഏറ്റുമുട്ടലുകളില്‍ ഹിസ്ബുള്‍ കമാന്‍ഡര്‍ ഉള്‍പ്പെടെ 16 തീവ്രവാദികളെ സുരക്ഷാ സേന വധിച്ചിരുന്നു.
കണ്ണൂര്‍:ടിപി വധക്കേസില്‍ ശിക്ഷ അനുഭവിക്കവെ മരിച്ച പി കെ കുഞ്ഞനന്തന്‍റെ ചിത്രം വാട്സ് ആപ്പ് സ്റ്റാറ്റസാക്കിയ പൊലീസുകാര്‍ക്കെതിരെ കോണ്‍ഗ്രസ്. കണ്ണൂരിലെ നാല് പൊലീസുകാരാണ് കഴിഞ്ഞ ദിവസകം അന്തരിച്ച കുഞ്ഞനന്തന് ആദരാഞ്ജലി അര്‍പ്പിച്ചുകൊണ്ട് ചിത്രം വാട്സ് ആപ്പ് സ്റ്റാറ്റസാക്കിയത്.  സർവ്വീസ് ചട്ടം ലംഘിച്ച പൊലീസുകാർക്കെതിരെ നടപടി വേണമെന്നാണ് കോൺഗ്രസിന്‍റെ ആവശ്യം. സിപിഒമാരായ രനീഷ് ഒപി, അഖിൽ മേലേക്കണ്ടി, റമീസ്, രജീഷ് ആർടി എന്നിവർക്കെതിരെയാണ് കോൺഗ്രസിന്‍റെ പരാതി.സംഭവം പരിശോധിക്കുമെന്ന് കണ്ണൂര്‍ എസ്പി യതീഷ് ചന്ദ്ര...
ജനീവ:ലോകത്താകമാനമുള്ള കൊവിഡ് ബാധിതരുടെ എണ്ണം എഴുപത്തി ഏഴ് ലക്ഷത്തി മുപ്പത്തി ഒമ്പതിനായിരം കടന്നു. ഇന്നലെ മാത്രം ഒരു ലക്ഷത്തി നാല്‍പ്പതിനായിരത്തി തൊള്ളായിരത്തി പതിനേഴ് പേര്‍ക്കാണ് പുതുതായി രോഗം ബാധിച്ചത്. അമേരിക്കയിലും ബ്രസീലിലും സ്ഥിതി അതീവ ഗുരുതരമാകുകയാണ്. അമേരിക്കയില്‍ 24 മണിക്കൂറിനുള്ളില്‍ ഇരുപത്തി ഏഴായിരത്തിലധികം പേര്‍ക്ക് പുതുതായി രോഗം സ്ഥിരീകരിച്ചു.  791 പേര്‍ മരിക്കുകയും ചെയ്തു.ബ്രസീലില്‍ ഇന്നലെ ഇരുപത്തി നാലായിരത്തിലധികം പേര്‍ക്ക് കൂടി വൈറസ് ബാധയേറ്റു. 843 പേര്‍ മരിക്കുകയും ചെയ്തു. ജോണ്‍ ഹോപ്കിന്‍സ്...
ന്യൂഡല്‍ഹി:കൊവിഡ് പ്രതിസന്ധിക്കിടയിലും സാധാരണക്കാരെ ദുരിതത്തിലാക്കി രാജ്യത്ത് തുടർച്ചയായ ഏഴാം ദിവസവും ഇന്ധനവില കൂട്ടി. പെട്രോളിന് 59 പൈസയും ഡീസലിന് 55 പൈസയുമാണ് ഇന്ന് കൂട്ടിയത്. ഇതോടെ പെട്രോളിന് 3.91 രൂപയും ഡീസലിന് 3.81 രൂപയുമാണ് ഏഴുദിവസംകൊണ്ടു വര്‍ധിച്ചത്. അന്താരാഷ്ട്ര വിപണിയിൽ ക്രൂഡ‍് ഓയിലിന്‍റെ വില താഴ്ന്നിരിക്കുമ്പോഴാണ്  ഇന്ത്യയില്‍ ഇന്ധനവില കുതിക്കുന്നത്.
തിരുവനന്തപുരം:മധ്യകേരളത്തിലും വടക്കന്‍കേരളത്തിലും ഇന്ന് ശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥാനിരീക്ഷണ കേന്ദ്രം അറിയിച്ചു. എട്ട് ജില്ലകളില്‍ ഇന്ന് യെല്ലോ അലേര്‍ട്ട് പ്രഖ്യാപിച്ചിട്ടുണ്ട്. കോട്ടയം,എറണാകുളം, ഇടുക്കി, തൃശ്ശൂർ, കോഴിക്കോട്, വയനാട്,കണ്ണൂർ, കാസർഗോഡ് ജില്ലകളിലാണ് യെല്ലോ അലേര്‍ട്ട് പ്രഖ്യാപിച്ചത്. ഒറ്റപ്പെട്ട ഇടങ്ങളിൽ 24 മണിക്കൂറിൽ 115.5 മില്ലിമീറ്റർ വരെ മഴ ലഭിക്കാമെന്നാണ് കാലാവസ്ഥാ നിരീക്ഷണകേന്ദ്രത്തിന്‍റെ മുന്നറിയിപ്പ്. ഉരുൾപൊട്ടല്‍ മണ്ണിടിച്ചില്‍ സാധ്യതയുള്ള  പ്രദേശങ്ങളിൽ വസിക്കുന്നവർ, നദിക്കരകളിൽ താമസിക്കുന്നവർ തുടങ്ങിയവർ പ്രത്യേക ജാഗ്രത പാലിക്കണമെന്നും മുന്നറിയിപ്പുണ്ട്.
ന്യൂഡല്‍ഹി:രാജ്യത്തെ കൊവിഡ് ബാധിതരുടെ എണ്ണം മൂന്ന് ലക്ഷം കടന്നു. മഹാരാഷ്ട്രയില്‍ മാത്രം രോഗികള്‍ ഒരു ലക്ഷം കവിഞ്ഞു. 24 മണിക്കൂറിനിടെ റിപ്പോര്‍ട്ട് ചെയ്തത് പതിനൊന്നായിരത്തി നാനൂറ്റി അമ്പത്തി എട്ട് കേസുകളാണ്. മുന്നൂറ്റി എണ്‍പത്തി ആറ് പേര്‍ ഒറ്റ ദിവസം മരണപ്പെടുകയും ചെയ്തു. ഇതാദ്യമായിട്ടാണ് ഇന്ത്യയില്‍ ഒറ്റ ദിവസത്തില്‍ പുതിയ രോഗികളുടെ എണ്ണം പതിനൊന്നായിരത്തിന് മുകളില്‍ കടക്കുന്നത്. ഇതോടെ രാജ്യത്തെ ആകെ കൊവിഡ് മരണം ഒമ്പത്തിനായിരത്തോടടുക്കുകയാണ്.അതേസമയം, രാജ്യത്തെ രോഗമുക്തി നിരക്ക് അമ്പത്...
വിശാഖപട്ടണം:വിശാഖപട്ടണത്ത് കൊവിഡ് 19 ബാധിച്ച് ചികിത്സയില്‍ കഴിഞ്ഞിരുന്ന നാല് മാസം പ്രായമായ കുഞ്ഞ് അസുഖം ഭേദമായതിനെ തുടര്‍ന്ന് ആശുപത്രി വിട്ടു. പതിനെട്ട് ദിവസമായി വെന്റിലേറ്ററില്‍ ചികിത്സയില്‍ കഴിഞ്ഞുരുന്ന പെണ്‍കുഞ്ഞാണ് വിശാഖപട്ടണം വിഐഎംഎസ് ആശുപത്രിയില്‍ നിന്ന് ഡിസ്ചാര്‍ജായത്. കിഴക്കന്‍ ഗോദാവരി ജില്ലയിലെ ഗോത്ര വര്‍ഗ വിഭാഗത്തിലെ ലക്ഷ്മി എന്ന യുവതിക്ക് മെയ് മാസത്തിലാണ് കൊവിഡ് സ്ഥിരീകരിച്ചത്. പിന്നീടാണ് അവരുടെ നാല് മാസം പ്രായമായ കുഞ്ഞിനും രോഗം സ്ഥീരീകരിച്ചതെന്ന് ജില്ലാ കളക്ടര്‍ വിനയ് ചന്ദ് അറിയിച്ചത്.