Daily Archives: 21st November 2020

 തിരുവനന്തപുരം:കേരളത്തില്‍ ഇന്ന് 5,772 പേര്‍ക്ക് കൊവിഡ്-19 സ്ഥിരീകരിച്ചതായി ആരോഗ്യ വകുപ്പ് മന്ത്രി കെ കെ ശൈലജ വാർത്താക്കുറിപ്പിലൂടെ അറിയിച്ചു. എറണാകുളം 797, മലപ്പുറം 764, കോഴിക്കോട് 710, തൃശൂര്‍ 483, പാലക്കാട് 478, കൊല്ലം 464, കോട്ടയം 423, തിരുവനന്തപുരം 399, ആലപ്പുഴ 383, പത്തനംതിട്ട 216, കണ്ണൂര്‍ 211, ഇടുക്കി 188, വയനാട് 152, കാസര്‍ഗോഡ് 104 എന്നിങ്ങനേയാണ് ജില്ലകളില്‍ ഇന്ന് രോഗ ബാധ സ്ഥിരീകരിച്ചവരുടെ എണ്ണം.കഴിഞ്ഞ 24...

ചെന്നൈ: ചെന്നൈയിൽ കേന്ദ്ര ആഭ്യന്തരമന്ത്രി അമിത് ഷായ്ക്ക് നേരെ പ്ലക്കാർഡ് എറിഞ്ഞു. പ്രവർത്തകരെ അഭിവാദ്യം ചെയ്യുന്നതിനിടെയാണ് ആൾക്കൂട്ടത്തിനിടെയിൽ നിന്ന് ഷായ്‌ക്കെതിരെ പ്ലക്കാർഡ് എറിഞ്ഞത്. ഉദ്യോഗസ്ഥര്‍ തടഞ്ഞതിനാല്‍ പ്ലക്കാര്‍ഡ് ഷായുടെ ദേഹത്ത് വീണില്ല. പ്ലക്കാഡ് എറിഞ്ഞയാളെ കസ്റ്റഡിയില്‍ എടുത്തു.എംജിആറിന്‍റെയും ജയലളിതയുടെയും അനുസ്മരണ സമ്മേളനത്തിൽ മുഖ്യാതിഥിയായാണ് അമിത് ഷാ ചെന്നൈയില്‍ എത്തിയത്. മുഖ്യമന്ത്രി എടപ്പാടി പളനിസ്വാമി, ഉപമുഖ്യമന്ത്രി ഒ പനീർസെൽവം ഉൾപ്പടെയുള്ളവര്‍ വിമാനത്താവളത്തിൽ എത്തിയാണ് ചെന്നൈയില്‍ എത്തിയ അമിത് ഷായെ സ്വീകരിച്ചത്.ബിജെപി കോർ കമ്മിറ്റി യോഗവും...

 ലോകത്തിലെ ഏറ്റവും ആഴമേറിയ സമുദ്രാന്തര്‍ഭാഗത്തേക്ക് സഞ്ചരിച്ച് ആഴക്കടലിലെ വൈവിധ്യമായ ജൈവവസ്തുക്കളുടെ വീഡിയോ ദൃശ്യങ്ങൾ പങ്കുവെച്ചിരിക്കുകയാണ് ചൈന. നവംബര്‍ ആദ്യമാണ് ചൈനയുടെ പുതിയ അന്തര്‍വാഹിനി 'ഫെന്‍ഡോസെ' 10,909 മീറ്റര്‍ കടലിന്റെ ആഴത്തിലേക്ക് സഞ്ചരിച്ചത്.മൂന്ന് ശാസ്ത്രജ്ഞരുടെ സംഘമാണ് മരിയാന ട്രെഞ്ചിലൂടെ സഞ്ചരിച്ച് 10,000 മീറ്റര്‍ ആഴത്തില്‍ പസഫിക്ക് സമുദ്രത്തിന്റെ അടിത്തട്ടിലെത്തിയത്. അപരിചിതവും വൈവിധ്യവുമായ നിരവധി ജീവികളുടെ ജാലം കാണാന്‍ ഈ സമുദ്രാന്തര്‍യാത്ര സഹായകമായെന്ന് വാഹനത്തില്‍ യാത്രചെയ്ത ശാസ്ത്രജ്ഞര്‍ പറയുന്നു. പഠനങ്ങള്‍ക്കാവശ്യമായ സാംപിളുകള്‍ ശേഖരിക്കാൻ സാധിച്ചതായും ഇവർ പറഞ്ഞു.പച്ചയും വെള്ളയും നിറത്തിലുള്ള അന്തര്‍വാഹിനി കപ്പല്‍ ആഴക്കടലിലേക്ക്...

കൊച്ചി: കാടുകയറി ഇഴജന്തുക്കൾ പെരുകിയ ജൂതശ്‌മശാനം പരിസരവാസികളുടെ സ്വൈര്യം കെടുത്തുന്നു. എറണാകുളം ബോട്ട് ജെട്ടിക്ക് സമീപം നഗരമദ്ധ്യത്തിലെ ഒരു ഏക്കറോളം വിസ്തൃതിയുള്ള ശ്മശാനമാണ് ക്ഷുദ്രജീവികളുടെ വിഹാരകേന്ദ്രമായി മാറിയിരിക്കുന്നത്.ഇതിനെതിരെ നിരന്തരം പരാതി കൊടുത്തിട്ടും നടപടി എടുക്കുന്നില്ലെന്ന് ശ്‌മശാനവുമായി അതിർത്തി പങ്കിടുന്ന സെന്റ് തെരേസാസ് കോൺവെന്റ് സ്കൂൾ അധികൃതരും പറയുന്നു. ജൂതസമുദായത്തിന്റെ വകയാണ് ഈ ഭൂമി. ശ്മശാനം എന്ന നിലയിൽ കൃത്യമായി പരിപാലനമില്ലാത്തതുകൊണ്ട് വള്ളിപ്പടർപ്പുകളും മുൾച്ചെടികളുമൊക്കെ വളർന്ന് വനത്തിന് സമാനമായി.വിഷപ്പാമ്പുകൾ, മുള്ളൻപന്നി, മരപ്പട്ടി തുടങ്ങിയ...

ഡൽഹി: ദേശീയ തലത്തിൽ ശ്രദ്ധ ആകർഷിച്ച ഐഎഎസ് ദമ്പതിമാർ വിവാഹമോചിതരാകുന്നു. 2015ലെ സിവിൽ സർവീസ് ബാച്ചിലെ ഒന്നാം റാങ്കുകാരിയായിരുന്ന ടിന ദബിയും ഭർത്താവും അതേ ബാച്ചിലെ രണ്ടാം റാങ്കുകാരനുമായ അതർ ഖാനുമാണ് രണ്ട് വർഷത്തെ കുടുംബജീവിതത്തിന് ശേഷം വേർപിരിയുന്നത്. ജയ്പുരിലെ കുടുംബകോടതിയിൽ ഉഭയ സമ്മതപ്രകാരം വിവാഹമോചനത്തിന് അപേക്ഷ നൽകിയിരിക്കുകയാണ് ഇരുവരും.മസൂറിയിലെ ലാൽ ബഹദൂർ ശാസ്ത്രി നാഷനൽ അക്കാദമിയിൽ വച്ചാണ് കശ്മീർ സ്വദേശി അതർ ഖാനും ടിന ദബിയും പ്രണയത്തിലാകുന്നത്‌. ഐഎഎസ് പരീക്ഷയിൽ ഒന്നാം റാങ്ക് നേടുന്ന ആദ്യ ദലിത് യുവതിയാണ്...

 മീൻ പിടിക്കുന്നവന് ആദ്യ വില്പനാവകാശം ലഭ്യമല്ലാത്തതിനാല്‍ കടലിൽ പോകാതെ കരയിൽ നിന്ന് കാര്യങ്ങൾ നിയന്ത്രിക്കുന്ന ഇടത്തട്ടുകാരായ ലേലക്കാർ നിശ്ചയിക്കുന്ന വിലയ്ക്ക് മീൻ കൊടുക്കാൻ നിര്‍ബന്ധിതരാണ് കേരളത്തിലെ മത്സ്യത്തൊഴിലാളികള്‍. ലേലക്കാരനും, മീൻ എടുക്കാൻ വരുന്ന വ്യാപാരിയും 'നൽകുന്ന' തുകയും വാങ്ങി പോകേണ്ട അവസ്ഥയാണ് അവരുടേത്. ലേലക്കാർക്ക്/കമ്മീഷന്‍കാർക്ക്, മറ്റൊരാൾ പിടിച്ചു കൊണ്ടുവരുന്ന- മീനിന്റെ മേൽ എങ്ങനെയാണ് പൂർണ്ണാവകാശം ലഭിക്കുന്നത്?അത് മനസ്സിലാകണമെങ്കിൽ നമ്മുടെ മൽസ്യബന്ധന രീതികളെക്കുറിച്ചും മത്സ്യബന്ധനോപാധികൾ സ്വായത്തമാക്കുന്ന രീതികളെക്കുറിച്ചും മനസ്സിലാക്കണം.തിരുവനന്തപുരം ജില്ലയിലെ തീരം...

തിരുവനന്തപുരം: ബാർ കോഴ കേസിൽ തനിക്കെതിരെയുള്ള വിജിലൻസ് അന്വേഷണത്തെ സ്വാഗതം ചെയ്ത് പ്രതിപക്ഷ നേതാവ് രമേശ് ചെന്നിത്തല. ഓലപ്പാമ്പ് കാട്ടി മുഖ്യമന്ത്രി പേടിപ്പിക്കേണ്ടെന്നാണ് ചെന്നിത്തല പ്രതികരിച്ചത്.തനിക്കെതിരായ ബിജു രമേശിൻ്റെ  കോഴ ആരോപണം ഏജൻസികൾ അന്വേഷിച്ച് തള്ളിയതാണെന്നും റിപ്പോർട്ട് കോടതിക്ക് മുന്നിലുള്ളതാണെന്നും ചെന്നിത്തല പറയുന്നു. മാണിക്കെതിരായ ബാർകോഴ ഒതുക്കാൻ ജോസ് കെ മാണി പത്ത് കോടി വാഗ്ദാനം ചെയ്തുവെന്ന ബിജു രമേശിൻ്റെ വെളിപ്പെടുത്തലിൽ എന്ത് കൊണ്ട് അന്വേഷണമില്ലെന്നും കോൺഗ്രസ് ചോദിക്കുന്നു. എഫ്ഐആർ രജിസ്റ്റർ ചെയ്ത് വിജിലൻസ്...

 കണ്ണൂർ:പാലത്തായി കേസിൽ ഐജി ശ്രീജിത്തിനെ മാറ്റി തളിപറമ്പ് ഡിവൈഎസ്പി രത്‌നകുമാറിന്റെ നേതൃത്വത്തിലുള്ള അന്വേഷണ സംഘത്തെ രൂപീകരിച്ചു. എഡിജിപി ജയരാജിനാകും അന്വേഷണത്തിന്റെ മേല്‍ നോട്ട ചുമതല. ഐജി ശ്രീജിത്തിന്റെ നേതൃത്വത്തിലുള്ള അന്വേഷണ സംഘത്തില്‍ വിശ്വാസമില്ലെന്നും കേസ് അട്ടിമറിക്കാന്‍ പൊലീസ് ശ്രമിക്കുകയാണെന്നും ചൂണ്ടിക്കാട്ടി പെണ്‍കുട്ടിയുടെ അമ്മ നല്‍കിയ ഹർജിയില്‍ പുതിയ സംഘത്തെ നിയോഗിക്കാന്‍ ഹൈക്കോടതി നേരത്തെ ഉത്തരവിട്ടിരുന്നു.  കണ്ണൂർ പാലത്തായിയിൽ നാലാംക്ലാസ് വിദ്യാർഥിനിയെ അധ്യാപകനും ബിജെപി നേതാവുമായ പ്രതി പത്മരാജൻ നിരവധി തവണ പീഡനത്തിനിരയാക്കിയെന്നാണ് കേസ്. എന്നാൽ പീഡനപരാതിയിലെ...

കളമശ്ശേരി: പിറന്നാൾ ദിനത്തിൽ സുഹൃത്തുക്കളുടെ പിന്തുണയിൽ മൂത്തമകൾക്ക്  വൃക്ക പകുത്തുനൽകി മാതൃകയായി പിതാവ്​. ഇരുവൃക്കയും തകരാറിലായ മകൾ ലിജിൻ സംഗീതിനെ ജീവിതത്തിലേക്ക് തിരിച്ച്​ നടത്താമെന്ന പ്രതീക്ഷയിലാണ് നടനും അവതാരകനുമായ കളമശ്ശേരി സ്വദേശി ലീലാകൃഷ്ണൻ.തിരുവനന്തപുരം ലയോള കോളജ് ഓഫ് സോഷ്യൽ സയൻസിൽ പിഎച്ച്.ഡി ചെയ്യുന്ന ലിജിന് വൃക്ക നൽകാൻ ഭർത്താവ് സഗീതും സഹോദരി ഡിഫിനും തയാറായിരുന്നു. എന്നാൽ, ക്രോസ് മാച്ച്  ചെയ്ത് ലീലാ  കൃഷ്ണന്റെത് എടുക്കാൻ  തീരുമാനിക്കുകയായിരുന്നു. അമൃത ആശുപത്രിയിൽ 24ന് വൃക്കമാറ്റിവെക്കൽ ശസ്​ത്രക്രിയ...

കൊച്ചി: കൊച്ചി വെള്ളക്കെട്ട് പ്രശ്നം പരിഹരിക്കാൻ മുല്ലശേരി കനാൽ നവീകരണം ഉൾപ്പെടെ ജോലികൾ ഓപ്പറേഷൻ ബ്രേക്ക് ത്രൂ  പദ്ധതിയിൽ പൂർത്തിയാക്കാൻ 4.88 കോടി രൂപ നഗരസഭയുടെ പ്ലാൻ ഫണ്ടിൽ നിന്നു കൈമാറാനാകുമോ എന്ന് അറിയിക്കാൻ  ജില്ലാ പ്ലാനിങ് കമ്മിറ്റിക്കു ഹൈക്കോടതി നിർദേശം നൽകി.മാതൃകാ പെരുമാറ്റച്ചട്ടം ഇതിനു തടസ്സമായി  പരിഗണിക്കേണ്ടതില്ലെന്നും പറഞ്ഞു. കേസ് ഡിസംബർ 2നു വീണ്ടും പരിഗണിക്കും. നഗരത്തിലെ വെള്ളക്കെട്ടു  നിവാരണവുമായി ബന്ധപ്പെട്ട ഹർജിയിലാണു ജസ്റ്റിസ് ദേവൻ രാമചന്ദ്രന്റെ ഉത്തരവ് വെള്ളക്കെട്ടു പരിഹരിക്കാൻ...