25 C
Kochi
Friday, July 30, 2021

Daily Archives: 16th June 2020

ന്യൂഡല്‍ഹി:രാജ്യത്ത് കൊവിഡ് കേസുകള്‍ ദിനംപ്രതി കുതിച്ചുയരുന്ന സാഹചര്യം വിലയിരുത്താന്‍ പ്രധാനമന്ത്രി നരേന്ദ്ര മോദി വിളിച്ചുചേര്‍ത്ത രണ്ട് ദിവസം നീണ്ടുനില്‍ക്കുന്ന യോഗത്തിന് ഇന്ന് തുടക്കം. ഉച്ചതിരിഞ്ഞ് മൂന്ന് മണിക്കാണ് യോഗം തുടങ്ങുന്നത്. ആദ്യദിനം 21 സംസ്ഥാനങ്ങളിലെയും കേന്ദ്രഭരണപ്രദേശങ്ങളിലെയും മുഖ്യമന്ത്രിമാർക്കും അഡ്മിനിസ്ട്രേറ്റർമാരുമാണ് യോഗത്തില്‍ പങ്കെടുക്കുന്നത്. യോഗത്തില്‍ സംസാരിക്കാന്‍ കേരളത്തിന് അനുമതിയില്ല. ഏഴ് സംസ്ഥാനങ്ങളിലേയും കേന്ദ്രഭരണപ്രദേശങ്ങളിലേയും മുഖ്യമന്ത്രിമാര്‍ക്കാണ് യോഗത്തില്‍ സംസാരിക്കാനായി കേന്ദ്രം ഇന്ന് അനുമതി നല്‍കിയിരിക്കുന്നത്.  
വാഷിംഗ്‌ടൺ: ലോകത്താകമാനമുള്ള കൊവിഡ് രോഗികളുടെ എണ്ണം 81 ലക്ഷം കടന്നതായി ജോൺ ഹോപ്കിൻസ് സർവകലാശാലയടെ റിപോർട്ടുകൾ വ്യക്തമാക്കുന്നു. അമേരിക്കയിലും ബ്രസീലിലും രോഗികളുടെ എണ്ണം ദിനംപ്രതി ഉയരുകയാണ്. റഷ്യയിൽ കൊവിഡ് ബാധിതരുടെ എണ്ണം ഉയരുന്നതും ആശങ്കയിലാഴ്ത്തുന്നുണ്ട്. ഇതിനോടകം 4,39,204 പേരാണ് കൊവിഡിനെ തുടർന്ന് മരണപ്പെട്ടത്. അതേസമയം 42,31,648 പേർ രോഗമുക്തരാകുകയും ചെയ്തു.
ഡൽഹി: കഴിഞ്ഞ 24 മണിക്കൂറിൽ രാജ്യത്ത് 10667 പേര്‍ക്ക് കൊവിഡ് സ്ഥിരീകരിച്ചതായും 380 പേര്‍ മരിച്ചതായും ആരോഗ്യമന്ത്രാലയം അറിയിച്ചു. ഇതുവരെ 9,900 കൊവിഡ് മരണങ്ങളാണ് രേഖപ്പെടുത്തിയിട്ടുള്ളത്. എന്നാൽ ദിനംപ്രതി വര്‍ധിച്ച് വന്നിരുന്ന പുതിയ രോഗികളുടെ നിരക്കിൽ ചെറിയ രീതിയിൽ കുറവ് വന്നിട്ടുണ്ട്. രോഗംഭേദമാകുന്നവരുടെ നിരക്ക് വര്‍ധിക്കുന്നതായും അധികൃതർ വ്യക്തമാക്കി. കൊവിഡ് വ്യാപനം ഏറ്റവും രൂക്ഷമായ മഹാരാഷ്ട്രയിൽ മാത്രം ഇതുവരെ 1,10,744 പേര്‍ക്കാണ് രോഗം സ്ഥിരീകരിച്ചത്.
ജനീവ: ജമ്മു കശ്മീരില്‍ ആർട്ടിക്കിൾ 370 റദ്ധാക്കിയതിനെ തുടർന്നുണ്ടായ സംഭവങ്ങള്‍ ഐക്യരാഷ്ട്ര സഭ മനുഷ്യാവകാശ കൗണ്‍സിലില്‍ ഉന്നയിച്ച പാകിസ്താനെതിരെ രൂക്ഷമായ വിമർശനങ്ങൾ ഉന്നയിച്ച് ഇന്ത്യ. ഒരു അന്താരാഷ്ട്ര വേദിയെ ദുരുപയോഗിക്കുന്ന നടപടിയാണ് പാകിസ്താന്റേതെന്ന് ഇന്ത്യയുടെ പെര്‍മനന്റ് മിഷന്‍ സെക്രട്ടറി സെന്തില്‍ കുമാര്‍ ചൂണ്ടിക്കാട്ടി. മറ്റുള്ളവര്‍ക്ക് ആവശ്യപ്പെടാതെ ഉപദേശങ്ങള്‍ കൊടുക്കുന്നതിനു മുന്‍പ് സ്വന്തം രാജ്യത്തെ ഗുരുതരമായ മനുഷ്യാവകാശ ലംഘനങ്ങളെക്കുറിച്ച് ആത്മപരിശോധന നടത്തണമെന്നും അദ്ദേഹം പറഞ്ഞു.