Reading Time: < 1 minute
മാരക്കാന:

12 വ​ർ​ഷം നീ​ണ്ട കാ​ത്തി​രി​പ്പി​ന് അ​റു​തി വ​രു​ത്തി ബ്ര​സീ​ൽ കോ​പ്പ അ​മേ​രി​ക്ക ചാ​മ്പ്യ​ന്മാ​രാ​യി. മു​ൻ​പ് ര​ണ്ടു​വ​ട്ടം കി​രീ​ടം ചൂ​ടി​യി​ട്ടു​ള്ള പെ​റു​വി​നെ ഒ​ന്നി​നെ​തി​രേ മൂ​ന്ന് ഗോ​ളു​ക​ൾ​ക്ക് കെ​ട്ടു​കെ​ട്ടി​ച്ചാ​ണ് കാനറികൾ സ്വ​ന്തം മ​ണ്ണി​ൽ ഒ​രി​ക്ക​ൽ​ക്കൂ​ടി കി​രീ​ട​മ​ണി​ഞ്ഞ​ത്.

എവർട്ടൻ (15), ഗബ്രിയേൽ ജീസസ് (45+3), റിച്ചാർലിസൻ (90, പെനൽറ്റി) എന്നിവരാണ് ബ്രസീലിന് വേണ്ടി ഗോളുകൾ നേടിയത്. ക്യാപ്റ്റൻ പൗലോ ഗ്യുറെയ്‌റോയുടെ വകയായിരുന്നു 44ാം മിനിറ്റിൽ പെറുവിന്റെ ഗോൾ. ഇക്കുറി കോപ്പയിൽ ബ്രസീൽ വഴങ്ങിയ ഏക ഗോളും ഇതാണ്.

മ​ത്സ​ര​ത്തി​ന്‍റെ 15ാം മി​നി​റ്റി​ൽ ത​ന്നെ ബ്ര​സീ​ൽ മു​ന്നി​ലെ​ത്തി. വ​ല​തു​വിം​ഗി​ൽ നി​ന്ന് ഗ​ബ്രി​യേ​ൽ ജീ​സ​സ് ന​ൽ​കി​യ ഉ​ജ്ജ്വ​ല​മാ​യൊ​രു ക്രോ​സ് എവർട്ടൻ അനായാസമായി വലയിൽ എത്തിച്ചു. എ​ന്നാ​ൽ, ക​ളി​യു​ടെ 44ാം മി​നി​ട്ടി​ൽ ല​ഭി​ച്ച പെ​നാ​ൽ​ട്ടി പെ​റു താ​രം പൗ​ളോ ഗ്വ​രേ​റോ മ​ഞ്ഞ​പ്പ​ട​യു​ടെ വ​ല​ക്കു​ള്ളി​ലേ​ക്ക് അ​ടി​ച്ചു​ക​യ​റ്റി​യ​തോ​ടെ പെ​റു ബ്ര​സീ​ലി​ന് ഒ​പ്പ​മെ​ത്തി. പെറു മുന്നേറ്റം തടയാനുള്ള ശ്രമത്തിനിടെ പന്ത് ബ്രസീൽ താരം തിയാഗോ സിൽവയുടെ കയ്യിൽ കൊണ്ടതിന് റഫറി പെനല്‍റ്റി അനുവദിക്കുകയായിരുന്നു. കിക്കെടുത്ത പെറു നായകൻ പൗലോ ഗ്യുറെയ്‌റോയ്ക്ക് പിഴച്ചില്ല. സ്കോർ 1–1.

ഉണർന്ന് കളിച്ച ബ്രസീൽ ആധ്യപകുതിയുടെ ഇഞ്ചുറി ടൈമിൽ തന്നെ മുന്നിലെത്തി. പന്തുമായി കുതിച്ചുപാഞ്ഞ ആർതർ ബോക്സിനു തൊട്ടുമുൻപിൽ വച്ച് നൽകിയ പന്ത് ഗബ്രിയേൽ ജീസസ് വലയിലെത്തിച്ച് ബ്രസീലിനു വീണ്ടും ലീഡ് നൽകി. 70ാം മി​നു​ട്ടി​ൽ ര​ണ്ടാം മ​ഞ്ഞ​ക്കാ​ർ​ഡും വാ​ങ്ങി ജീ​സ​സ് പു​റ​ത്താ​യ​തോ​ടെ ബ്ര​സീ​ൽ കൂ​ടു​ത​ൽ പ്ര​തി​രോ​ധ​ത്തി​ലേ​ക്ക് ഉ​ൾ​വ​ലി​ഞ്ഞു. ഒ​ടു​വി​ൽ, ക​ളി​യു​ടെ അ​വ​സാ​ന നി​മി​ഷ​ങ്ങ​ളി​​ൽ കി​ട്ടി​യ പെ​നാ​ൽ​ട്ടി ബ്ര​സീ​ലി​നെ ര​ക്ഷി​ച്ചു. 90ാം മി​നു​ട്ടി​ൽ റി​ച്ചാ​ർ​ലി​സ​ണാ​ണ് പെ​നാ​ൽ​ട്ടി വ​ല​യി​ൽ എ​ത്തി​ച്ച് കാ​ന​റി​ക​ൾ​ക്ക് 3- 1ന്‍റെ അ​നി​ഷേ​ധ്യ​വും ആ​ധി​കാ​രി​ക​വു​മാ​യ ജ​യം സ​മ്മാ​നി​ച്ച​ത്.

പരിശീലകൻ ടിറ്റെയ്ക്കു കീഴിൽ അജയ്യരായി മുന്നേറുന്ന ബ്രസീലിന്റെ ഒൻപതാം കോപ്പ അമേരിക്ക കിരീടമാണിത്. 2007ലായിരുന്നു അവസാനത്തെ കിരീടനേട്ടം. ആതിഥേയത്വം വഹിച്ചപ്പോഴെല്ലാം കിരീടം ചൂടിയെന്ന റെക്കോർഡും ബ്രസീൽ കാത്തു.

Advertisement

Leave a Reply

avatar
  Subscribe  
Notify of