Reading Time: < 1 minute
നെ​ടു​മ​ങ്ങാ​ട്:

വി​ല​യി​ലെ കു​റ​വും ഭ​ക്ഷ​ണ​ത്തിെൻറ സ്വാ​ദു​മാ​ണ് ആ​ര്യ​നാ​ട്ടെ അ​മ്മ​ക്കൂ​ട്ട​ത്തി​നെ ജ​ന​കീ​യ​മാ​ക്കു​ന്ന​ത്. സാ​ധാ​ര​ണ​ക്കാ​ര്‍ക്ക് ഭ​ക്ഷ​ണം കൊ​ടു​ക്കാ​നാ​യി തു​ട​ങ്ങി​യ പ​ഞ്ചാ​യ​ത്തിൻ്റെ വ​നി​ത ഹോ​ട്ട​ല്‍ ഇ​ന്ന് ജ​ന​ത്തി​ര​ക്കു​കൊ​ണ്ട് സ​ജീ​വ​മാ​ണ്. ആ​ര്യ​നാ​ട് പ​ഞ്ചാ​യ​ത്തി​ലെ മാ​ര്‍ക്ക​റ്റി​ല്‍ കു​ടും​ബ​ശ്രീ​യു​ടെ നേ​തൃ​ത്വ​ത്തി​ല്‍ പ്ര​വ​ര്‍ത്തി​ക്കു​ന്ന വ​നി​ത ഹോ​ട്ട​ലാ​ണ് നാ​ട്ടു​കാ​ര്‍ക്ക് കു​റ​ഞ്ഞ ചെ​ല​വി​ല്‍ അ​ന്ന​മൂ​ട്ടു​ന്ന​ത്.

മുമ്പൊരി​ക്ക​ൽ മീ​നാ​ങ്ക​ല്‍ സ്വ​ദേ​ശി ഗീ​ത​യും കൂ​ട്ട​രും നെ​ടു​മ​ങ്ങാ​ട്ടെ ഹോ​ട്ട​ലി​ല്‍നി​ന്ന്​ ഭ​ക്ഷ​ണം ക​ഴി​ച്ച ശേ​ഷം പ​ണം ഒ​ടു​ക്കാ​നാ​യി കൗ​ണ്ട​റി​ലെ​ത്തി. ഭ​ക്ഷ​ണ​ത്തിൻ്റെ വി​ല​കേ​ട്ട ഗീ​ത തെ​ല്ലൊ​ന്ന് ഞെ​ട്ടി. അ​ന്ന്​ മ​ന​സ്സി​ല്‍ തീ​രു​മാ​നി​ച്ച​താ​ണ് നാ​ട്ടു​കാ​ര്‍ക്ക് കു​റ​ഞ്ഞ ചെ​ല​വി​ല്‍ ന​ല്ല ഭ​ക്ഷ​ണം ന​ല്‍ക​ണ​മെ​ന്ന്.

ഈ ​ചി​ന്ത​യി​ല്‍ നി​ന്നാ​ണ് വ​നി​ത ഹോ​ട്ട​ലി​ന്​ തി​രി​തെ​ളി​ഞ്ഞ​ത്. ​ക്ഷ​ണ​ത്തി​ന് അ​മി​ത​വി​ല ചോ​ദി​ച്ച ഹോ​ട്ട​ലു​ട​മ​യോ​ട് തെ​ല്ല് പ​രി​ഭ​വ​ത്തി​ല്‍ സം​സാ​രി​ച്ചാ​ണ് ഗീ​ത​യും കൂ​ട്ടു​കാ​രും അ​ന്ന് പ​ടി​യി​റ​ങ്ങി​യ​ത്. ഹോ​ട്ട​ലിലെ പ​ടി​യി​റ​ങ്ങു​മ്പോ​ള്‍ മ​ന​സ്സ്​ വ​നി​ത ഹോ​ട്ട​ലെ​ന്ന ആ​ശ​യ​ത്തിൻ്റെ പ​ടി​ക്കെ​ട്ട് ക​യ​റു​ക​യാ​യി​രു​ന്നു.

കൂ​ട്ടു​കാ​രി​ക​ളാ​യ ഐ​ഷ, സു​ഷ​കു​മാ​രി, ര​മാ​ദേ​വി, ഷീ​ല, ദീ​പ എ​ന്നി​വ​രോ​ട് ആ​ശ​യം പ​ങ്കുവെച്ചു. ഇ​വ​ര്‍ സ​മ്മ​തം മൂ​ളി​യ​തോ​ടെ വ​നി​ത ഹോ​ട്ട​ലി​ന്​ തു​ട​ക്ക​മാ​യി.

ആ​ദ്യ​കാ​ല​ത്ത് 30 രൂ​പ​യാ​യി​രു​ന്നു ഊ​ണി​ന് ഈ​ടാ​ക്കി​യ​ത്. എ​ന്നാ​ല്‍, കൊ​റോ​ണ വ​ന്ന് ജ​ന​കീ​യ ഹോ​ട്ട​ല്‍ ആ​യ​തോ​ടെ ഊ​ണി​ന് 20 രൂ​പ​യാ​യി കു​റ​ച്ചു. കൊ​റോ​ണ സ​മ​യ​ത്തെ ലോ​ക്ഡൗ​ണ്‍ കാ​ല​ത്തും ആ​ര്യ​നാ​ട്ടു​കാ​ര്‍ക്ക് അ​ന്നം മു​ട​ക്കി​യി​ല്ല ഈ ​കു​ടും​ബ​ശ്രീ കൂ​ട്ടാ​യ്മ.

ആ​ര്യ​നാ​ട് പ​ഞ്ചാ​യ​ത്ത് സി ഡി ​എ​സും കു​ടും​ബ​ശ്രീ ജി​ല്ല മി​ഷ​നും കൈ​കോ​ര്‍ത്ത​തോ​ടെ​യാ​ണ് ജ​ന​കീ​യ ഹോ​ട്ട​ലാ​യ​ത്. 20 രൂ​പ മാ​ത്ര​മു​ള്ള ഊ​ണി​നു​പോ​ലും ഇ​വ​ർ ന​ല്‍കു​ന്ന​ത് വി​ഭ​വ സ​മൃ​ദ്ധ​മാ​യ ഭ​ക്ഷ​ണ​മാ​ണ്. അ​വി​യ​ല്‍, തോ​ര​ന്‍, അ​ച്ചാ​ര്‍ സാ​മ്പാ​ര്‍, പു​ളി​ശ്ശേ​രി, ര​സം എ​ന്നി​ങ്ങ​നെ നി​ര​വ​ധി ര​സ​ക്കൂ​ട്ടു​ക​ള്‍ ചേ​ര്‍ന്ന​താ​ണ് ഭ​ക്ഷ​ണ​പ്പൊ​തി. ഭ​ക്ഷ​ണം ജ​ന​പ്രി​യ​മാ​യ​തോ​ടെ ദി​വ​സേ​ന മൂ​ന്ന് നേ​ര​വും ന്യാ​യ​വി​ല​യി​ല്‍ ഭ​ക്ഷ​ണം കൊ​ടു​ക്കാ​നൊ​രു​ങ്ങു​ക​യാ​ണ് ആ​ര്യ​നാ​ട്ടെ പെ​ണ്‍കൂ​ട്ടാ​യ്മ.

Advertisement