തിരുവനന്തപുരം:
ബാലരാമപുരത്ത് റോഡിൽ ഇളകിക്കിടന്ന മെറ്റൽ ചീളുകൾ നീക്കി റോഡ് വൃത്തിയാക്കി പൊലീസ്. ബാലരാമപുരം കവലയിൽ പൈപ്പ് പൊട്ടിയതിനെ തുടർന്ന് റോഡ് നവീകരിച്ചെങ്കിലും കരിങ്കൽ ചീളുകൾ ഇളകിക്കിടക്കുകയായിരുന്നു. ഇത് അപകടമുണ്ടാക്കിയേക്കുമെന്നതിനാൽ ഡ്യൂട്ടിക്കെത്തിയ പൊലീസ് ഉദ്യോഗസ്ഥർ കവലയിലെ കൂടിക്കിടന്ന കരിങ്കൽ കഷ്ണങ്ങൾ എടുത്തുമാറ്റി റോഡ് വൃത്തിയാക്കുകയായിരുന്നു.
ഒരു മാസം മുമ്പ് പൈപ്പ് പൊട്ടിയതിനെ തുടർന്ന് റോഡ് കേടായതിന് പിന്നാലെ പൊട്ടിയ ഭാഗത്ത് കോൺക്രീറ്റ് ഇട്ട് നിർമ്മാണം നടത്തിയെങ്കിലും ഒരാഴ്ച കഴിഞ്ഞതോടെ കോൺക്രീറ്റിന്റെ ഭാാഗങ്ങൾ ഇളകി വന്ന് തുടങ്ങി. കുഴിയുള്ള ഭാഗത്ത് ബാരിക്കേഡുകൾ സ്ഥാപിച്ചെങ്കിലും തിരക്കുള്ള റോഡിൽ ഇത് പ്രാവർത്തികമാകാതെ വന്നു. ഇതോടെയാണ് പൊലീസുകാർ തന്നെ കോൺക്രീറ്റ് കഷ്ണങ്ങൾ നീക്കി കുഴിയടച്ചത്.