ഇരവിപുരം:
കോർപറേഷനിലെ തെക്കുംഭാഗം ഡിവിഷനിലെ തീരപ്രദേശത്തുള്ള തെരുവുവിളക്കുകൾ പ്രകാശിക്കാതായിട്ട് മാസങ്ങൾ കഴിഞ്ഞിട്ടും കോർപറേഷൻ മൗനത്തിൽ. ഇരവിപുരം പള്ളിനേര്, കാക്കത്തോപ്പ് എന്നിവിടങ്ങളിലുള്ള ഹൈമാസ്റ്റ് ലൈറ്റുകളും പ്രകാശിച്ചിട്ട് മാസങ്ങളായി. വിഷയം കൗൺസിൽ യോഗങ്ങളിൽ ഉൾപ്പെടെ ശ്രദ്ധയിൽപെടുത്തിയെങ്കിലും ഒരു നടപടിയുമുണ്ടായില്ലെന്ന് കൗൺസിലർ സുനിൽ പറയുന്നു.
തെരുവുവിളക്കുകൾ പ്രകാശിക്കാത്തതിനാൽ പുലർച്ച ഫൈബർ കട്ടമരങ്ങളിൽ മത്സ്യബന്ധനത്തിന് പോകുന്നവർ ബുദ്ധിമുട്ടിലാണ്. തെരുവുവിളക്കുകൾ പ്രകാശിപ്പിക്കാൻ നടപടി ആവശ്യപ്പെട്ട് പ്രക്ഷോഭത്തിനൊരുങ്ങുകയാണ് തീരദേശ വാസികൾ.