നെടുങ്കണ്ടം:
നെടുങ്കണ്ടം പഞ്ചായത്ത് അഞ്ചാം വാര്‍ഡില്‍ ഗ്രാമകേന്ദ്രം പ്രവര്‍ത്തനം ആരംഭിച്ചു. കുടിയേറ്റ ഗ്രാമമായ വാര്‍ഡില്‍ കൂടുതലും തൊഴിലാളികളാണ് തിങ്ങിപ്പാര്‍ക്കുന്നത്. ഇനി വാര്‍ഡില്‍ പഞ്ചായത്തിൻെറ ആദ്യഘട്ട സേവനങ്ങള്‍ എളുപ്പത്തില്‍ ലഭിക്കും.
ആഴ്ചയില്‍ മൂന്ന് ദിവസമെങ്കിലും കേന്ദ്രത്തിൻെറ സേവനം ഉറപ്പാക്കുമെന്ന് വാര്‍ഡ് അംഗം അജീഷ് മുതുകുന്നേല്‍ പറഞ്ഞു. എം എം മണി എം എൽ എ ഉദ്ഘാടനം ചെയ്തു. പഞ്ചായത്ത് പ്രസിഡൻറ് ശോഭന വിജയന്‍ അധ്യക്ഷത വഹിച്ചു.