pic credit : english.mathrubhumi.com
Reading Time: 2 minutes
തിരുവനന്തപുരം:

എൽ ഡി എഫ്​ ഭരണത്തുടർച്ചയിൽ പാർട്ടി പ്രവർത്തകരെപോലും തഴഞ്ഞ്​ നേതാക്കളുടെ ബന്ധുക്കൾക്ക്​ നിയമനം തരപ്പെടുത്തി​ സർക്കാർ. മരിച്ച എം എൽ എമാരുടെ മക്കൾക്കും മന്ത്രിമാരുടെയും നേതാക്കളുടെയും എം എൽ എമാരുടെയും അടുത്ത ബന്ധുക്കൾക്കും​ യു ഡി എഫിന്​ വേണ്ടപ്പെട്ടവർക്കും ഉദാരമായി നിയമനം നൽകി. സർക്കാർ ജോലിക്കായി റാങ്ക്​ പട്ടികയിൽ കടന്നുകൂടാൻ ഉദ്യോഗാർഥികൾ തലകുത്തിനിന്ന്​ പഠിക്കുമ്പോഴാണ്​ രണ്ട് മുൻ​ എം എൽ മാരുടെ മക്കൾക്ക് ആശ്രിത നിയമനം വഴി സർക്കാർ ജോലി നൽകിയത്​.

അന്തരിച്ച സി പി എം ചെങ്ങന്നൂർ എം എൽ എ കെ കെ രാമചന്ദ്ര​ൻെറ മകൻ ആർ പ്ര​ശാന്തിനെ ​പൊതുമരാമത്ത്​ വകുപ്പിൽ അസിസ്​റ്റൻറ്​ എൻജിനീയർ തസ്​തിക സൂപ്പർ ന്യൂമററിയായി സൃഷ്​ടിച്ചാണ്​ നിയമിച്ചത്​. സി പി എം കൊങ്ങാട്​ എം എൽ എ കെ വി വിജയദാസി​ൻെറ മകൻ കെ വി സന്ദീപിനെ ഓഡിറ്റ്​ വകുപ്പിൽ എൻട്രി കേഡർ തസ്​തികയിൽ ഓഡിറ്ററായി നിയമിക്കാൻ ഉത്തരവിറക്കി. യോഗ്യതയുടെ അടിസ്ഥാനത്തിൽ പ്രത്യേക അധികാരം ഉപയോഗിച്ചാണ്​ നിയമനങ്ങളെന്ന്​​ സർക്കാർ വിശദീകരിക്കുന്നു.

പി എസ്​ സി പട്ടികയുടെ കാലാവധി നീട്ടാൻ സർക്കാറി​ൻെറ കാരുണ്യം തേടി റാങ്ക്​ പട്ടികയിലുൾപ്പെട്ട ഉദ്യോഗാർഥികൾ സെക്രട്ടേറിയറ്റിന്​ മുന്നിൽ സമരം നടത്തുമ്പോഴാണ്​ സ്വന്തക്കാർക്ക്​ ജോലി വീതംവെക്കുന്നത്​. മുൻമന്ത്രിയും സി പി എം കേന്ദ്ര കമ്മിറ്റിയംഗവുമായ എ കെ ബാല​ൻെറ ഭാര്യ ഡോ പി കെ ജമീലയെ പുനഃസംഘടിപ്പിച്ച സംസ്ഥാന ആസൂതണ ബോർഡിൽ കഴിഞ്ഞദിവസം നിയമിച്ചു.

ബോർഡിൽ പുതിയ അംഗമായി നിയമിക്കപ്പെട്ട വി നമശിവായം എം എസ്​ സ്വാമിനാഥൻ റിസർച്ച്​ ഫൗണ്ടേഷനിലെ ട്രസ്​റ്റിയാണ്​. എം എസ്​ സ്വാമിനാഥ​ൻെറ മകളുടെ ഭർത്താവാണ്​ ആസൂത്രണ ബോർഡ്​ വൈസ്​ ചെയർമാൻ പ്രഫ വി കെ രാമചന്ദ്രൻ. ​ഹൈകോടതിയിലെ സർക്കാർ അഭിഭാഷകരുടെ നിയമനത്തിലും നേതാക്കളുടെ ബന്ധുക്കൾ​ ഇടംനേടി. ആരോഗ്യമന്ത്രി വീണാ ജോർജിൻെറ സഹോദരി വിദ്യാ കുര്യാക്കോസ്​ ഗവ പ്ലീഡറായി.

സി പി ഐ എം പി ബിനോയ്​ വിശ്വത്തി​ൻെറ മകൾ ബി സൂര്യ ബിനോയിയെ സീനിയർ ഗവ പ്ലീഡറായി​ നിയമിച്ചു​. യു ഡി എഫ്​ സർക്കാറി​ൻെറ കാലത്ത്​ എം ജി സർവകലാശാല വി സി ആയിരുന്ന ഡോ ജാൻസി ജെയിംസി​ൻെറ മകൾ തുഷാര ജെയിംസിനെയും സീനിയർ ഗവ പ്ലീഡറാക്കി. പി വി ശീനിജ​ൻ എം എൽ എയുടെ ഭാര്യ കെ ബി സോണി, സി പി എം മുൻ എം എൽ എ എം ചന്ദ്ര​ൻെറ മകൻ എം സി ആഷി എന്നിവരെ ഗവ പ്ലീഡർമാരാക്കി.

Advertisement