ക്വാലാലംപുർ: മലേഷ്യയിൽ അടിയന്തരാവസ്ഥ പ്രഖ്യാപിച്ചു. കൊവിഡ് വ്യാപനം തടയാനാണ് മലേഷ്യൻ രാജാവ് അൽ-സുൽത്താൻ അബ്ലുള്ള രാജ്യത്ത് ഒരു മാസത്തെ അടിയന്തരാവസ്ഥ പ്രഖ്യാപിച്ചത്. കൊവിഡ് കേസുകൾ നിയന്ത്രണത്തിലായില്ലെങ്കിൽ അടിയന്തരാവസ്ഥ നീട്ടാനും സാധ്യതയുണ്ട്.
പ്രധാനമന്ത്രി മുഹയ്ദ്ദീൻ യാസിൻ രാജാവിനോട് അടിയന്തരാവസ്ഥ പ്രഖ്യാപിക്കണമെന്ന് ആവശ്യപ്പെടുകയായിരുന്നു. അതേസമയം, പ്രതിസന്ധിയിലായ സർക്കാരിനെ അധികാരത്തിൽ നിലനിർത്തുന്നതിന് വേണ്ടിയാണ് അടിയന്തരാവസ്ഥ നീക്കമുണ്ടായതെന്ന് ആരോപണമുണ്ട്.
