29 C
Kochi
Monday, August 2, 2021

Daily Archives: 9th June 2020

ഡൽഹി: ആധാര്‍ നിയമവിധേയമാക്കിയ സുപ്രീംകോടതി വിധിക്കെതിരെ നൽകിയ ഹർജി ചീഫ് ജസ്റ്റിസ് അധ്യക്ഷനായ അഞ്ചംഗ ഭരണഘടന ബെഞ്ച് ഇന്ന് പരിഗണിക്കും. ആധാര്‍ പണബില്ലായി കൊണ്ടുവന്ന് പാര്‍ലമെന്റില്‍ പാസാക്കിയത് നിയമവിരുദ്ധമാണെന്നും പല ആനുകൂല്യങ്ങള്‍ക്കും ആധാര്‍ നിര്‍ബന്ധമാക്കുന്നുവെന്നും ചൂണ്ടിക്കാട്ടിയാണ് ഹർജി നൽകിയിരിക്കുന്നത്. എന്നാൽ സ്വകാര്യത അവകാശം ഉറപ്പാക്കണം എന്നതടക്കുമുള്ള നിരവധി ഉപാധികള്‍ മുന്നോട്ടുവെച്ചാണ് ആധാര്‍ നിയമവിധേയമാക്കിയ വിധി സുപ്രീംകോടതി പുറപ്പെടുവിച്ചത്. തുറന്ന കോടതിയില്‍ വാദം കേട്ട് കേസ് വിശദമായി പരിശോധിക്കണമെന്നും ഹർജിക്കാരൻ ആവശ്യപ്പെട്ടിട്ടുണ്ട്.
ഡൽഹി: രാജ്യത്ത് തുടർച്ചയായി മൂന്നാം ദിവസവും ഇന്ധന വില കൂടി. പെട്രോളിന് 54 പൈസയും ഡീസലിന് 58 പൈസയുമാണ് ഇന്ന് വർധിപ്പിച്ചത്. ഇന്നലെ പെട്രോളിന് അറുപത് പൈസയും ഡീസലിന് 57 പൈസയും കൂട്ടിയിരുന്നു. അന്താരാഷ്‌ട്ര വിപണിയിൽ ക്രൂഡ് ഓയിൽ വില വർധിച്ചതാണ് രാജ്യത്തെ ഇന്ധന വില വർധനവിന് പിന്നിൽ. മെയ് മാസത്തിൽ പെട്രോളിന്റെ എക്സൈസ് നികുതി കേന്ദ്രം 10 രൂപയും ഡീസലിന് 13 രൂപയും വർധിപ്പിച്ചിരുന്നു. എണ്ണ ഉൽപാദനം കുറയ്ക്കാൻ ഒപെക് രാജ്യങ്ങളും റഷ്യയും ഉൾപ്പെടുന്ന ഒപെക് പ്ലസ് കൂട്ടായ്മ തീരുമാനിച്ചതാണ് പ്രധാന...
തിരുവനന്തപുരം: ലോക്ക്ഡൗൺ ഘട്ടം ഘട്ടമായി പിൻവലിക്കുന്നതിന്റെ ഭാഗമായി സംസ്ഥാനത്തെ ആരാധനാലയങ്ങളും, മാളുകളും ഹോട്ടലുകളും കടുത്ത നിയന്ത്രണങ്ങളോടെ ഇന്ന് മുതൽ തുറന്ന് പ്രവർത്തിക്കും. ആരാധനാലയങ്ങളിൽ 65 വയസിന് മുകളിലുളളവർക്കും, 10 വയസിന് താഴെയുളളവർക്കും പ്രവേശനം അനുവദിച്ചിട്ടില്ല. പ്രസാദവും നിവേദ്യവും വിതരണം ചെയ്യരുതെന്ന് പ്രത്യേക നിർദ്ദേശവും ആരോഗ്യ വകുപ്പ് നൽകിയിട്ടുണ്ട്. അതേസമയം ഹോട്ടലുകളിൽ സീറ്റിംഗ് കപ്പാസിറ്റിയുടെ പകുതി ആളുകളെ പ്രവേശിപ്പിക്കാനാണ് അനുമതി. ആരാധനാലയങ്ങളിലും മാളുകളിലും ഹോട്ടലുകളിലും തുറക്കുന്നതിന് മുന്നോടിയായി ഇന്നലെ അണുനശീകരണം നടത്തിയിരുന്നു.
തിരുവനന്തപുരം: സംസ്ഥാനത്ത് ഇന്ന് അർധരാത്രി മുതൽ ജൂലൈ 31 വരെ 52 ദിവസത്തേക്ക് ട്രോളിംഗ് നിരോധനം. മീൻ പിടിക്കാൻ ഉപയോഗിക്കുന്ന 3800 ട്രോൾ ബോട്ടുകൾ, 600 ഗിൽനെറ്റ്, ചൂണ്ട ബോട്ടുകൾ, പേഴ്സീൻ വല ഉപയോഗിക്കുന്ന 60 യന്ത്ര വള്ളങ്ങൾ തുടങ്ങിയവ ഇന്ന് അർധരാത്രിയോടെ തീരത്ത് അടുപ്പിക്കണമെന്ന് ഫിഷറീസ് വകുപ്പ് അധികൃതർ നിർദ്ദേശം നൽകിയിട്ടുണ്ട്. ലോക്ക് ഡൗൺ നിയന്ത്രങ്ങളെ തുടർന്ന് തമിഴ്‍നാട്ടിലെ വിവിധ ഭാഗത്ത് നിന്നുള്ള തൊഴിലാളികളാണ് ഇതുവരെ ബോട്ടുകളിൽ ആഴക്കടലിൽ പോയിരുന്നത്. ഇവരെല്ലാം സ്വദേശത്തേക്ക് മടങ്ങിയതിനാൽ ട്രോളിംഗ് നിരോധനം നീങ്ങിയാലും മീൻ പൂർണ തോതിൽ എത്താൻ കാലതാമസമേറാനാണ്...