29 C
Kochi
Saturday, September 25, 2021

Daily Archives: 14th March 2020

 തിരുവനന്തപുരം: സ്വർണം ഗ്രാമിന് ഒരു രൂപ കൂടി 3,806 രൂപയായി. പവന് 30,608 രൂപ നിരക്കിലാണ് വ്യാപാരം. വെള്ളി ഗ്രാമിന് 48 രൂപയും പവന് 384.24 രൂപയുമാണ്.
ഇസ്ലാമബാദ്: കോവിഡ് 19 പ്രതിരോധ പ്രവർത്തനങ്ങൾ ചർച്ച ചെയ്യാൻ ചേരുന്ന സാർക്ക് നേതാക്കളുടെ യോഗത്തിൽ പങ്കെടുക്കാമെന്ന് പാകിസ്ഥാൻ. കോവിഡ് 19 പ്രതിരോധത്തിന് പാകിസ്ഥാൻ ഉൾപ്പടെയുള്ള സാർക് രാജ്യങ്ങളുടെ സംയുക്ത നീക്കം വേണമെന്ന നിർദ്ദേശം മുന്നോട്ട് വെച്ചത് പ്രധാനമന്ത്രി നരേന്ദ്ര മോദിയാണ്. എന്നാൽ, യോഗത്തിൽ പാക് പ്രധാനമന്ത്രി ഇമ്രാൻ ഖാൻ പങ്കെടുക്കില്ലെന്നും പകരം പ്രധാനമന്ത്രിയുടെ ഉപദേഷ്ടാവിനെ നിയോഗിക്കുമെന്നും പാക് വിദേശകാര്യമന്ത്രാലയം അറിയിച്ചു.
ഡൽഹി: രാജ്യത്ത് പെട്രോളിന്റെയും ഡീസലിന്റെയും  എക്സൈസ് നികുതി ലിറ്ററിന് 3 രൂപ വച്ച് കേന്ദ്ര സർക്കാർ വർധിപ്പിച്ചു. ഇത് സംബന്ധിച്ച വിജ്ഞാപനം കേന്ദ്രം പുറത്തിറക്കി. ഇതോടെ പെട്രോൾ ഡീസൽ വില കുത്തനെ കൂടും. സംസ്ഥാനത്ത് ഇന്ന് പെട്രോൾ വില 10 പൈസ കൂടി 73.28 രൂപയായി. ഡീസലിന് അഞ്ച് പൈസ കൂടി ലിറ്ററിന് 67.49 രൂപയായി.
ലോകത്തെ ഭീതിയിലാഴ്ത്തുന്ന കോവിഡ് 19 ബാധയുടെ ഇപ്പോഴത്തെ പ്രഭവകേന്ദ്രം യൂറോപ്പാണെന്ന് ലോകാരോഗ്യ സംഘടന. കൊറോണ ആദ്യം കണ്ടെത്തിയ ചൈനയിൽ വൈറസ് ബാധ നിയന്ത്രണത്തിലായെങ്കിലും ഇറ്റലിയിലും പിന്നാലെ സ്പെയിനിലും മരണസംഖ്യ ഉയരുകയാണ്. ഇറ്റലിയിൽ മരണസംഖ്യ 1266 ആയി. സ്പെയിനിലും ഇന്നലെ മരണ നിരക്കിൽ 50 ശതമാനത്തിന്റെ വർദ്ധനവ് രേഖപ്പെടുത്തിയോടെ രാജ്യത്ത് അടിയന്തരാവസ്ഥ പ്രഖ്യാപിച്ചു. ജർമനിയിൽ 3062 കേസുകളും ലണ്ടനിൽ 798 കേസുകളും സ്ഥിരീകരിച്ചു. ലോകത്ത് ഇതുവരെ 5,416 പേരാണ് കൊറോണ...
ബർമിംഗ്ഹാം: ഓള്‍ ഇംഗ്ലണ്ട് ഓപ്പണ്‍ ബാഡ്മിന്റണില്‍ ഇന്ത്യന്‍ പ്രതീക്ഷയായിരുന്ന പിവി സിന്ധു ക്വാര്‍ട്ടറില്‍ പുറത്തായി. ജപ്പാന്റെ നൊസോമി ഒക്കുഹാരയോട് ഒന്നിനെതിരെ രണ്ട് ഗെയിമുകള്‍ക്ക് തോറ്റാണ് സിന്ധു പുറത്തായത്.
വാഷിംഗ്‌ടൺ: കൊറോണ വൈറസ് പ്രതിരോധ പ്രവര്‍ത്തനങ്ങളുടെ ഭാഗമായി ഫെഡറല്‍ ഫണ്ടില്‍നിന്ന്  50,000 കോടി യുഎസ് ഡോളര്‍ അനുവദിക്കുമെന്ന് യുഎസ് പ്രസിഡന്റ് ഡോണൾഡ്‌ ട്രംപ്. അമേരിക്കയിൽ കൊറോണ ഭീതിയുടെ പശ്ചാത്തലത്തില്‍ ദേശീയ അടിയന്തരാവസ്ഥ പ്രഖ്യാപിച്ചിരിക്കുകയാണ്. അമേരിക്കയിലെ ജനങ്ങള്‍ക്ക് ആവശ്യമുള്ളതും അവകാശപ്പെട്ടതുമായ പരിചരണം ലഭ്യമാക്കുന്നിതിന് വിഘാതം സൃഷ്ടിക്കുന്ന എന്തിനെയും നീക്കം ചെയ്യുമെന്നും ട്രംപ് കൂട്ടിച്ചേർത്തു.
പനാജി:  ഐഎസ്എൽ കിരീടത്തിനായി മുന്‍ ചാമ്പ്യന്മാരായ ചെന്നൈയിന്‍ എഫ്‌സിയും എടികെ കൊൽക്കത്തയും ഇന്ന് വൈകിട്ട് 7.30ന് ഗോവയിൽ ഏറ്റുമുട്ടും. കൊവിഡ് 19 ആശങ്ക കാരണം അടച്ചിട്ട സ്റ്റേഡിയത്തിലാണ് മത്സരം. ഫൈനലില്‍ ഇതാദ്യമാണ് ഇരു ടീമുകളും മുഖാമുഖം വരുന്നത്. 
ബ്രസീലിയ: തനിക്ക് കോവിഡ് 19 ബാധയില്ലെന്ന് ബ്രസീല്‍ പ്രസിഡന്‍റ് ജൈര്‍ ബൊള്‍സനാരോ വ്യക്തമാക്കി. ബൊള്‍സനാരോയുടെ കമ്മ്യൂണിക്കേഷന്‍ സെക്രട്ടറി ഫാബിയോ വാജ്‌ഗാർട്ടനു കോവിഡ് 19 സ്ഥിതീകരിച്ചതോടെയാണ് ബ്രസീൽ പ്രസിഡന്റ് ഇപ്പോൾ പരിശോധന നടത്തിയത്. പ്രസിഡന്‍റ് ബൊല്‍സാനാരോയ്ക്കും അമേരിക്കൻ പ്രസിഡന്റ് ഡൊണാൾഡ് ട്രംപിനുമൊപ്പം വാജ്‌ഗാർട്ടൻ ഒരു ഡിന്നർ പാർട്ടിയിലും പങ്കെടുത്തിരുന്നു. അതിന് പിന്നാലെ ഇപ്പോൾ ട്രംപിന്റെ സ്റ്റാഫുകളിലൊരാള്‍ക്ക് കോവിഡ് 19 സ്ഥിരീകരിച്ചതോടെയാണ് ലോകനേതാക്കൾ കൂടുതൽ ആശങ്കയിലായത്.
ബ്യൂണസ് അയേഴ്സ്: തനിക്ക് കോവിഡ് 19 ബാധ സ്ഥിതീകരിച്ചുവെന്നത് വ്യാജ വാർത്തയെന്ന്  അര്‍ജന്‍റീനന്‍ സ്‌ട്രൈക്കര്‍ പൗലോ ഡിബാല. വ്യാഴാഴ്ച്ച യുവന്‍റസ് പ്രതിരോധ താരം ഡാനിയേല്‍ റുഗാനിക്ക് കോവിഡ് സ്ഥിരീകരിച്ചതിന് പിന്നാലെയാണ് ഡിബാലയും കൊറോണ ബാധിതനാണെന്ന് ഒരു ഇറ്റാലിയന്‍ മാധ്യമം റിപ്പോര്‍ട്ട് ചെയ്തത്. എന്നാൽ, താൻ രോഗിയല്ലെന്നും തെറ്റായ പ്രചാരണങ്ങൾ അവസാനിപ്പിക്കണമെന്നും ഡിബാല ട്വീറ്റ് ചെയ്തു. 
മുംബൈ:ബിസിസിഐ കമന്‍റേറ്റര്‍ പട്ടികയില്‍ നിന്ന് മുന്‍താരം സഞ്ജയ് മഞ്ജരേക്കറെ ഒഴിവാക്കിയെന്ന് റിപ്പോർട്ട്. സിഎഎ വിരുദ്ധ സമരങ്ങളെ പിന്തുണച്ച് മഞ്ജരേക്കറുടെ ട്വീറ്റിന്റെയും രവീന്ദ്ര ജഡേജയെയും ഹർഷ ഭോഗ്‌ലെയെയും വിമർശിച്ചതിന്റെയും പേരിലാണ്  മഞ്ജരേക്കറെ പുറത്താക്കിയതെന്ന് മുംബൈ മിറർ റിപ്പോർട്ട് ചെയ്യുന്നു. ഐപിഎല്ലിലെ സ്ഥിരം കമന്‍റേറ്റര്‍മാറിൽ ഒരാളായിരുന്ന മഞ്ജരേക്കർ വരുന്ന ഐപിഎല്ലിൽ ഉണ്ടാകില്ലെന്ന് റിപ്പോർട്ടിൽ പറയുന്നു.