വ​ന്യ​മൃ​ഗ​ങ്ങ​ൾ​ക്കാ​യി ആ​തു​രാ​ല​യം; നി​ർ​മാ​ണം അ​വ​സാ​ന​ഘ​ട്ട​ത്തി​ൽ

ക​ൽ​പ​റ്റ:

പ​രി​ക്കേ​റ്റ​തും പ്രാ​യാ​ധി​ക്യ​ത്താ​ൽ അ​വ​ശ​ത അ​നു​ഭ​വി​ക്കു​ന്ന​തു​മാ​യ വ​ന്യ​മൃ​ഗ​ങ്ങ​ൾ​ക്കാ​യി വ​നം​വ​കു​പ്പ് ഒ​രു​ക്കു​ന്ന ആ​തു​രാ​ല​യ​ത്തിൻറെ നി​ർ​മാ​ണ പ്ര​വൃ​ത്തി​ക​ൾ അ​വ​സാ​ന​ഘ​ട്ട​ത്തി​ൽ. ക​ടു​വ, പു​ലി തു​ട​ങ്ങി​യ വ​ന്യ​മൃ​ഗ​ങ്ങ​ൾ​ക്കാ​യാ​ണ് വ​യ​നാ​ട് വ​ന്യ​ജീ​വി സ​ങ്കേ​ത​ത്തി​ലെ കു​റി​ച്യാ​ട് റേ​ഞ്ചി​ലെ പ​ച്ചാ​ടി​യി​ൽ പെ​യി​ൻ ആ​ൻ​ഡ് പാ​ലി​യേ​റ്റി​വ് യൂ​നി​റ്റ് ഒ​രു​ങ്ങു​ന്ന​ത്. കേ​ര​ള​ത്തി​ലാ​ദ്യ​മാ​യാ​ണ് വ​നം​വ​കു​പ്പിൻറെ നേ​തൃ​ത്വ​ത്തി​ൽ ഇ​ത്ത​ര​മൊ​രു പ​ദ്ധ​തി ന​ട​പ്പാ​ക്കു​ന്ന​ത്.

ഇ​വി​ടെ വ​നം​വ​കു​പ്പിൻറെ ഉ​പേ​ക്ഷി​ക്ക​പ്പെ​ട്ട വ​ന​ല​ക്ഷ്മി കു​രു​മു​ള​ക് പ​ദ്ധ​തി പ്ര​ദേ​ശ​ത്ത് 90 ല​ക്ഷം രൂ​പ ചെ​ല​വി​ലാ​ണ് കേ​ന്ദ്ര​ത്തിൻറെ നി​ർ​മാ​ണം. പൂ​ർ​ത്തി​യാ​കു​ന്ന​തോ​ടെ ക​ടു​വ, പു​ലി അ​ട​ക്ക​മു​ള്ള നാ​ല് മൃ​ഗ​ങ്ങ​ളെ വ​രെ ഒ​രേ​സ​മ​യം ഇ​വി​ടെ സം​ര​ക്ഷി​ക്കാ​നാ​കും. പ​ര​സ്പ​ര​മു​ള്ള സം​ഘ​ട്ട​ന​ത്തി​ൽ പ​രി​ക്കേ​റ്റ് ജ​ന​വാ​സ കേ​ന്ദ്ര​ത്തി​ൽ ഇ​റ​ങ്ങി ഭീ​തി​പ​ര​ത്തു​ന്ന​തും പ്രാ​യാ​ധി​ക്യ​ത്താ​ൽ പു​റ​ത്തി​റ​ങ്ങു​ന്ന​തു​മാ​യി ക​ടു​വ, പു​ലി എ​ന്നി​വ​യാ​ണ് പി​ടി​കൂ​ടി ഇ​വി​ടെ​യെ​ത്തി​ക്കു​ക.

തു​ട​ർ​ന്ന് സു​ഖം​പ്രാ​പി​ച്ച ശേ​ഷം ആ​രോ​ഗ്യ​നി​ല അ​നു​സ​രി​ച്ച് ഒ​ന്നു​കി​ൽ മൃ​ഗ​ശാ​ല​യി​ലേ​ക്ക് മാ​റ്റു​ക​യോ, അല്ലെ​ങ്കി​ൽ വ​ന​ത്തി​ൽ ത​ന്നെ​യോ തു​റ​ന്നു​വി​ടു​ക​യോ ചെ​യ്യും. പി​ടി​കൂ​ടു​ന്ന മൃ​ഗ​ങ്ങ​ളെ സം​ര​ക്ഷി​ക്ക​ന്ന​തി​നാ​യി കേ​ന്ദ്ര​ത്തി​ൽ ഇ​രു​ഭാ​ഗ​ങ്ങ​ളി​ലു​മാ​യി ര​ണ്ടു വീ​തം മു​റി​ക​ള​ണ്ട്. ഇ​വ​യോ​ടു ചേ​ർ​ന്ന് 500 ച​തു​ര​ശ്ര അ​ടി​വ​രു​ന്ന​തും ചു​റ്റി​ലും ചെ​യി​ൻ ഫെ​ൻ​സി​ങ്ങി​ൽ സു​ര​ക്ഷി​ത​മാ​ക്കി​യ​തു​മാ​യ പ്ര​ദേ​ശ​വും സ​ജ്ജ​മാ​ക്കും.

കേ​ന്ദ്ര​ത്തി​നു​ചു​റ്റും സം​ര​ക്ഷ​ണാ​ർ​ഥം കി​ട​ങ്ങും നി​ർ​മി​ച്ചി​ട്ടു​ണ്ട്. ജീ​വ​ന​ക്കാ​ർ​ക്ക് താ​മ​സി​ക്കാ​നു​ള്ള ക്വാ​ട്ടേ​ഴ്‌​സു​ക​ളു​ടെ​യും ഇ​വി​ടെ​യെ​ത്തി​ക്കു​ന്ന മൃ​ഗ​ങ്ങ​ൾ​ക്കു​ള്ള ഭ​ക്ഷ​ണം സം​ഭ​രി​ച്ചു​വെ​ക്കു​ന്ന​തി​നു​ള്ള മു​റി​യു​ടെ​യും കു​ടി​വെ​ള്ളം എ​ത്തി​ക്കു​ന്ന​തി​നു​ള്ള സം​വി​ധാ​ന​ങ്ങ​ളു​ടെ​യും പ്ര​വൃ​ത്തി​ക​ളാ​ണ് നി​ല​വി​ൽ ന​ട​ക്കു​ന്ന​ത്. അ​ടി​യ​ന്ത​ര​ഘ​ട്ട​ത്തി​ൽ പ​രി​ക്കേ​റ്റ ക​ടു​വ, പു​ലി പോ​ലു​ള്ള മൃ​ഗ​ങ്ങ​ളെ ചി​കി​ത്സി​ക്കാ​നാ​യി യൂ​നി​റ്റ് ഉ​പ​യോ​ഗി​ക്കാ​നാ​കു​മെ​ന്നും അ​ടു​ത്ത​മാ​സം അ​വ​സാ​ന​ത്തോ​ടെ കേ​ന്ദ്രം പൂ​ർ​ണ​മാ​യും ഉ​പ​യോ​ഗ​പ്പെ​ടു​ത്താ​നാ​കു​മെ​ന്നും വ​ന്യ​ജീ​വി​സ​ങ്കേ​തം മേ​ധാ​വി എ​സ് ന​രേ​ന്ദ്ര​ബാ​ബു പ​റ​ഞ്ഞു.