വീടും സ്ഥലവും എഴുതിവാങ്ങി 90കാ​രിയെ ഇറക്കിവിട്ടു

മു​ണ്ട​ക്ക​യം:

വീ​ടും സ്ഥ​ല​വും സ​ബ് ര​ജി​സ്ട്രാ​ര്‍ ഓ​ഫി​സ്​ ഉ​ദ്യോ​ഗ​സ്ഥ​രു​മാ​യി ചേ​ർ​ന്ന്​ മ​ക്ക​ള്‍ കൈയ്യേ​റി ത​ന്നെ ഇ​റ​ക്കി​വി​​ട്ടെ​ന്ന പ​രാ​തി​യു​മാ​യി 90കാ​രി. കോ​രു​ത്തോ​ട് കോ​ക്കോ​ട്ട് പ​രേ​ത​നാ​യ കി​ട്ടൻ്റെ ഭാ​ര്യ ഗൗ​രി​യാ​ണ്​ (90) ഇ​തു​സം​ബ​ന്ധി​ച്ച്​ മു​ഖ്യ​മ​ന്ത്രി​ക്കും ഉ​യ​ര്‍ന്ന പൊ​ലീ​സ് ഉദ്യോ​ഗ​സ്ഥ​ര്‍ക്കും പ​രാ​തി ന​ല്‍കി​യ​ത്.

കോ​രു​ത്തോ​ട് കോ​സ​ടി ഭാ​ഗ​ത്ത് തൻ്റെ​യും ഭ​ര്‍ത്താ​വിൻ്റെ​യും പേ​രി​ലു​ണ്ടാ​യി​രു​ന്ന ഒ​ന്ന​ര​യേ​ക്ക​ര്‍ സ്ഥ​ല​മാ​ണ് മൂ​ത്ത മ​ക​നും ര​ണ്ടാ​മ​ത്തെ മ​രു​മ​ക​ളും ചേ​ര്‍ന്ന്​ ത​ട്ടി​യെ​ടു​ത്ത​താ​യി പ​റ​യു​ന്ന​ത്.

അ​ർ​ബു​ദ​ബാ​ധി​ത​നാ​യി​രു​ന്ന തൻ്റെ ഭ​ര്‍ത്താ​വ് കി​ട​പ്പി​ലാ​യ സ​മ​യ​ത്ത് സ​ബ് ര​ജി​സ്ട്രാ​ര്‍ ഓ​ഫി​സി​ലെ ഉ​ദ്യോ​ഗ​സ്ഥ​രെ വീ​ട്ടി​ല്‍ കൊ​ണ്ടു​വ​ന്നാ​ണ്​​ ത​ങ്ങ​ളു​ടെ അ​ഭി​പ്രാ​യം​പോ​ലും ചോ​ദി​ക്കാ​തെ സ്ഥ​ലം എ​ഴു​തി വാ​ങ്ങി​യ​ത്. പി​ന്നീ​ട്, ത​ങ്ങ​ളെ സം​ര​ക്ഷി​ക്കു​മെ​ന്ന്​ മ​ക്ക​ൾ പ​റ​ഞ്ഞെ​ങ്കി​ലും പി​താ​വിൻ്റെ മ​ര​ണ​ത്തോ​ടെ ത​ന്നെ ഇ​റ​ക്കി​വി​ട്ടു. ഇ​പ്പോ​ള്‍ മ​റ്റൊ​രു മ​ക​നൊ​പ്പം വാ​ട​ക​ക്ക് കോ​രു​ത്തോ​ട് പ​ള്ളി​പ്പ​ടി​യി​ല്‍ താ​മ​സി​ക്കു​ക​യാ​ണ്.

കാ​ര്യ​മാ​യ ജോ​ലി​യോ കൂ​ലി​യോ ഇ​ല്ലാ​ത്ത മ​ക​ന് വാ​ട​ക ന​ല്‍കാ​നാ​വാ​ത്ത​തി​നാ​ല്‍ പ​രി​സ​ര​വാ​സി​ക​ളാ​ണ് വാ​ട​ക ന​ല്‍കി​യ​ത്. പൊ​ലീ​സി​ല്‍ പ​രാ​തി ന​ല്‍കി​യെ​ങ്കി​ലും പ്ര​യോ​ജ​ന​മു​ണ്ടാ​യി​ല്ല. മാ​താ​വി​ന് ചെ​ല​വി​ന് ന​ല്‍കാ​മെ​ന്ന് സ​മ്മ​തി​ച്ചു​പോ​യ മ​ക്ക​ള്‍ ഇ​തു​വ​രെ തി​രി​ഞ്ഞു​നോ​ക്കി​യി​ല്ല.

സ്ഥ​ലം കൈ​വ​ശ​പ്പെ​ടു​ത്താ​ൻ സ​ഹാ​യി​ച്ച ര​ജി​സ്ട്രാ​ര്‍ ഓ​ഫി​സ്​ ഉ​ദ്യോ​ഗ​സ്ഥ​ര്‍ക്കെ​തി​രെ ന​ട​പ​ടി​യെ​ടു​ക്ക​ണ​മെ​ന്നും വീ​ടും സ്ഥ​ല​വും വി​ട്ടു​ന​ല്‍കാ​ന്‍ ന​ട​പ​ടി സ്വീ​ക​രി​ക്ക​ണ​മെ​ന്നും ഇ​വ​ര്‍ ആ​വ​ശ്യ​പ്പെ​ട്ടു.