Reading Time: < 1 minute
മറയൂർ:

വൈദ്യുതി തടസ്സത്തിന്​​ പരിഹാരമായി മറയൂരില്‍ 33 കെ വി സബ്​ സ്​റ്റേഷൻ ഉദ്ഘാടനം വീഡിയോ കോണ്‍ഫറന്‍സിലൂടെ മന്ത്രി കെ കൃഷ്ണന്‍കുട്ടി നിര്‍വഹിച്ചു. ഗുണമേന്മയുള്ള വൈദ്യുതി കുറഞ്ഞ നിരക്കില്‍ വിതരണം ചെയ്യുകയാണ് വൈദ്യുതി ബോര്‍ഡി​ൻെറ ലക്ഷ്യമെന്ന് സബ്​ സ്​റ്റേഷ​ൻെറ ഉദ്ഘാടനം നിര്‍വഹിച്ച് മന്ത്രി പറഞ്ഞു.

മറയൂരില്‍ 19.25 കോടി ചെലവിട്ടാണ്​ വൈദ്യുതി സബ്സ്​റ്റേഷന്‍ നിര്‍മിച്ചത്. തേയിലത്തോട്ടത്തിലൂടെയും വനമേഖലകളിലൂടെയുമുള്ള വൈദ്യുതി വിതരണം മറയൂര്‍, കാന്തല്ലൂര്‍, വട്ടവട മേഖലയില്‍ വോള്‍ട്ടേജ് ക്ഷാമവും വൈദ്യുതി തടസ്സവും സൃഷ്​ടിച്ചിരുന്നു.

വ്യവസായിക അടിസ്ഥാനത്തിലുള്ള സംരംഭങ്ങള്‍ക്ക് വൈദ്യുതി തടസ്സം പ്രതിസന്ധിയായിരുന്നു. എം എം മണി എം എല്‍ എ പ്രാദേശിക ഉദ്ഘാടനം നിര്‍വഹിച്ചു.

Advertisement