തിരുവനന്തപുരം:
ശ്രീചിത്ര തിരുനാൾ ഇൻസ്റ്റിറ്റ്യൂട്ട് ഫോർ മെഡിക്കൽ സയൻസസ് ആൻഡ് ടെക്നോളജിയിൽ കാർഡിയോളജി സബ് സ്പെഷാലിറ്റികൾക്ക് മാത്രമായുള്ള പുനഃപരിശോധന ക്ലിനിക്കുകൾ ഡയറക്ടർ ഡോ അജിത് കുമാർ ഉദ്ഘാടനം ചെയ്തു. രാജ്യത്ത് ആദ്യമായാണ് പൊതുമേഖലാ ആശുപത്രിയിൽ കാർഡിയോളജി സബ് സ്പെഷാലിറ്റികൾക്ക് മാത്രമായി പുനഃപരിശോധനാ ക്ലിനിക്കുകൾ ആരംഭിക്കുന്നത്.
ഹൃദ്രോഗ ചികിത്സാ വിദഗ്ധർ മേൽനോട്ടം വഹിക്കുന്ന പുനഃപരിശോധനാ ക്ലിനിക്കുകളിൽ സമഗ്ര രോഗി പരിചരണവും ക്ലിനിക്കൽ ഗവേഷണവുംപ്രോത്സാഹിപ്പിക്കും. ശ്രീചിത്ര തിരുനാൾ ഇൻസ്റ്റിറ്റ്യൂട്ട് കാർഡിയോളജി വിഭാഗത്തിൽ ഒരുതവണയെങ്കിലും രജിസ്റ്റർ ചെയ്ത രോഗികൾക്കാണ് സൗകര്യം ലഭിക്കുക. നേരിൽ വരാൻ പ്രയാസമുള്ളവർക്ക് ഇ കൺസൾട്ടേഷന് സൗകര്യമുണ്ടാകും.