കൊല്ലം:
ചരിത്ര ഗവേഷണത്തിന് കൂടുതൽ സഹായമൊരുക്കാൻ ലക്ഷ്യമിട്ട് വെബ്ജേണലുമായി ജില്ല ലൈബ്രറി കൗൺസിൽ. സംസ്ഥാനത്ത് ആദ്യമായി ലൈബ്രറി കൗൺസിലിൻെറ നേതൃത്വത്തിൽ ആരംഭിച്ച വെബ്ജേണൽ ആയാണ് ‘സംവേദ’ എത്തുന്നത്. ജില്ല ലൈബ്രറി കൗൺസിൽ പുതുതായി ആരംഭിച്ച വെബ്സൈറ്റിൻെറ ഭാഗമായാണ് സംവേദ പ്രസിദ്ധീകരിക്കുന്നത്.
സാഹിത്യം, ശാസ്ത്രം, സംഗീതം, സ്പോർട്സ്, മാധ്യമം, ചലച്ചിത്രം എന്നീ വിവിധ മേഖലയിൽ നിന്നുള്ള ഗവേഷണാത്മകമായ പ്രബന്ധങ്ങളാണ് വെബ്ജേണലിൽ ഉൾപ്പെടുത്തുക. ഓൺലൈനായി നടന്ന പരിപാടിയിൽ പുതിയ വെബ്സൈറ്റ് കേരള സ്റ്റേറ്റ് ലൈബ്രറി കൗൺസിൽ പ്രസിഡൻറ് ഡോ കെ വി കുഞ്ഞികൃഷ്ണൻ ഉദ്ഘാടനം ചെയ്തു.