പാലാ:
കെ എസ് ആർ ടി സി വിജിലൻസിൻ്റെ മിന്നൽ പരിശോധനയിൽ പാലാ കെ എസ് ആർ ടി സി ഡിപ്പോ സ്റ്റേഷൻ മാസ്റ്റർ ചാരായവുമായി പിടിയിൽ. പാലാ മേലുകാവ് ഇല്ലിക്കൽ ജയിംസ് ജോർജാണ് അറസ്റ്റിലായത്.
ഡ്യൂട്ടിക്കിടെ മദ്യലഹരിയിലായിരുന്ന ഇയാളിൽനിന്ന് അരലിറ്റർ ചാരായവും പിടികൂടി. കെ എസ് ആർ ടി സി വിജിലൻസ് നൽകിയ വിവരമനുസരിച്ച് പാലാ എക്സൈസ് ഉദ്യോഗസ്ഥരെത്തിയാണ് ജയിംസിനെ അറസ്റ്റ് ചെയ്തത്. പ്രതിയെ തിങ്കളാഴ്ച കോടതിയിൽ ഹാജരാക്കും.