മലപ്പുറം:
സീറ്റുകളുടെ കാര്യത്തിൽ പരസ്യ പ്രതികരണത്തിനില്ലെന്നും എൽ ഡി എഫിലുള്ളത്ര പ്രശ്നങ്ങൾ യു ഡി എഫിലില്ലെന്നും മുസ്ലിം ലീഗ് ദേശീയ ജനറൽസെക്രെട്ടറി കുഞ്ഞാലിക്കുട്ടി എം പി. മലപ്പുറത്ത് ലീഗ് വനിത ജനപ്രതിനികൾക്ക് നൽകിയ സ്വീകരണത്തിന് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
വനിത സ്ഥാനാർത്ഥികളുണ്ടാവുമോ എന്ന് ഇപ്പോൾ പറയാനാകില്ല. യു ഡി എഫിന്റെ വിഭജന ചർച്ചകൾ അനൗദ്യോഗികമായി പുരോഗമിക്കുകയാണ്. ഘടകകക്ഷികളുമായുള്ള ചർച്ച നല്ല പുരോഗതിയാണുള്ളത്. ഔദ്യോഗികമായ യോഗം കൂടി ചേർന്നാൽ സീറ്റ് വിഭജനത്തിൽ അന്തിമ രൂപമാകും.