ന്യൂഡൽഹി:
പാതി സീസൺ കൊവിഡ് കൊണ്ടുപോയ 2020- 21ൽ ഇനി രഞ്ജി ട്രോഫി നടത്തേണ്ടതില്ലെന്ന് തീരുമാനം. പകരം 50 ഓവർ വിജയ് ഹസാരെ ട്രോഫിയും വനിതകൾക്കായി ഏകദിന ടൂർണമെൻറും നടത്തും. ഇതുസംബന്ധിച്ച് എല്ലാ സംസ്ഥാന സമിതികൾക്കും ബിസിസിഐ കത്തയച്ചു.
കൊവിഡ് മഹാമാരി പരിഗണിച്ച് രഞ്ജി ട്രോഫി മത്സരങ്ങൾ വേണ്ടെന്നുവെച്ചെങ്കിലും അതത് ടീമുകൾക്കായി പാഡുകെട്ടിയ ഇനത്തിൽ താരങ്ങൾക്ക് ലഭിക്കേണ്ട പ്രതിഫലം ബിസിസിഐ നൽകും. ശരാശരി പ്രതിദിനം 45,000 രുപ തോതിലാണ് നൽകുക.