ലണ്ടൻ:
ഇന്ത്യക്ക് റിപ്പബ്ലിക് ദിനാശംസകൾ നേർന്ന് ബ്രിട്ടീഷ് പ്രധാനമന്ത്രി ബോറിസ് ജോൺസൺ. മാനവരാശിയെ കൊവിഡ് മഹാമാരിയിൽ നിന്ന് മോചിപ്പിക്കാൻ ഇന്ത്യയും ബ്രിട്ടനും തോളോട് തോൾ ചേർന്ന് പ്രവർത്തിക്കുകയാണെന്ന് ബോറിസ് ജോൺസൺ പറഞ്ഞു. വിഡിയോ സന്ദേശത്തിൽ ഇന്ത്യക്ക് റിപ്പബ്ലിക് ദിനാശംസകൾ നേരുകയായിരുന്നു അദ്ദേഹം.
രാജ്യത്തിന്‍റെ 71ാമത് റിപ്പബ്ലിക് ദിനത്തിൽ വിശിഷ്ടാതിഥിയായി ബോറിസ് ജോൺസൺ ഡൽഹിയിൽ എത്തേണ്ടതായിരുന്നു. എന്നാൽ ബ്രിട്ടനിൽ കൊവിഡിന്‍റെ പുതിയ വകഭേദം പടർന്നു പിടിച്ചതിനെ തുടർന്നുണ്ടായ പ്രതിസന്ധിയെ തുടർന്ന് യാത്ര റദ്ദാക്കുകയായിരുന്നു.