മുംബൈ:
മഹാരാഷ്ട്രയിൽ അടുത്ത മാസം നഗരസഭ തിരഞ്ഞെടുപ്പിനൊരുങ്ങുന്ന ഔറംഗാബാദിൽ പുതിയ അങ്കപ്പുറപ്പാടുമായി ശിവസേന. 1988ലെ നഗരസഭ തിരഞ്ഞെടുപ്പിൽ ഏറ്റവും വലിയ ഒറ്റക്കക്ഷിയായി മാറിയ ഉടൻ ശിവസേന സ്ഥാപകൻ നടത്തിയ റാലിയിലെ പ്രഖ്യാപനം സാക്ഷാത്കരിക്കുകയാണ് പുതിയ നീക്കം. അന്ന് റാലിയെ അഭിസംബോധന ചെയ്ത ബാൽ താക്കറെ നഗരത്തിൻ്റെ പേര് മാറ്റുകയാണെന്ന് പ്രഖ്യാപിച്ചിരുന്നു. മുഗൾ ഭരണാധികാരി ഔറംഗസീബിൻ്റെ പേരിനു പകരം ശിവാജിയുടെ മകൻ സംഭാജിയെ ഓർമിച്ച് സംഭാജി നഗർ ആക്കുകയാണെന്നായിരുന്നു പ്രഖ്യാപനം