കോഴിക്കോട്‌:
മൃതദേഹം ദഹിപ്പിക്കാമെന്ന സഭയുടെ ചരിത്രതീരുമാനത്തിന്‍റെ ഭാഗമായി മലബാറും. കൊവിഡ് മുക്തമായി ചികിത്സയിൽ കഴിയവേ മരിച്ച വയനാട്‌ പേര്യ സ്വദേശി ടി എക്‌സ്‌ റെജിയുടെ മൃതദേഹമാണ്‌ ഇന്നലെ കോഴിക്കോട്‌ മാവൂർ റോഡ്‌ വൈദ്യുത ശ്‌മശാനത്തിൽ ദഹിപ്പിച്ചത്‌. പേരിയ സെന്റ് മേരീസ് പള്ളി സെമിത്തേരിയിൽ മൃതദേഹം സംസ്കാരിക്കാനായിരുന്നു ആദ്യം ആലോചിച്ചിരുന്നത്. എന്നാല്‍, കൊവിഡ് സാഹചര്യം പരിഗണിച്ച് ദഹിപ്പിച്ചശേഷം ചിതാഭസ്‌മം മതാചാര ചടങ്ങുകളോടെ അടക്കം ചെയ്യാന്‍ മാനന്തവാടി രൂപത തീരുമാനിക്കുകയായിരുന്നു.