Reading Time: < 1 minute

മിര്‍സാപുര്‍:

ഒടുവിൽ പ്രിയങ്കയ്ക്ക് മുന്നിൽ ഉത്തർപ്രദേശ് മുഖ്യമന്ത്രി ആദിത്യനാഥ് മുട്ടുമടക്കി. 24 മ​ണി​ക്കൂ​ർ നീ​ണ്ട കുത്തിരിപ്പിനൊടുവിൽ എ.​ഐ​.സി​.സി ജ​ന​റ​ൽ സെ​ക്ര​ട്ട​റി പ്രി​യ​ങ്ക ഗാ​ന്ധി സോ​ൻ​ഭ​ദ്ര​യി​ൽ ഭൂ​മി ത​ർ​ക്ക​ത്തെ തു​ട​ർ​ന്നു​ണ്ടാ​യ വെ​ടി​വ​യ്പ്പി​ൽ കൊ​ല്ല​പ്പെ​ട്ട​വ​രു​ടെ ബ​ന്ധു​ക്ക​ളെ കണ്ടു. അ​തേ​സ​മ​യം, ബ​ന്ധു​ക്ക​ൾ​ക്ക് പ്രി​യ​ങ്ക​യെ കാ​ണാ​ൻ അ​ധി​ക​നേ​രം അ​നു​വ​ദി​ച്ചി​ല്ലെ​ന്നും ആ​രോ​പ​ണ​മു​ണ്ട്. കൊ​ല്ല​പ്പെ​ട്ട​വ​രു​ടെ ബ​ന്ധു​ക്ക​ൾ ഗ​സ്റ്റ് ഹൗ​സി​ലെ​ത്തി​യാ​ണ് പ്രി​യ​ങ്ക​യെ ക​ണ്ട​ത്. ഇ​വ​രോ​ട് പ്രി​യ​ങ്ക കാ​ര്യ​ങ്ങ​ൾ ചോ​ദി​ച്ച​റി​യു​ക​യും ചെ​യ്തു. എന്നാൽ കൊല്ലപ്പെട്ടവരുടെ ചില ബന്ധുക്കൾ മാത്രമാണ് തന്നെ സന്ദർശിച്ചതെന്നും എല്ലാ ബന്ധുക്കളെയും കടത്തിവിട്ടില്ലെന്നും പ്രിയങ്ക ആരോപിച്ചു.

സോന്‍ഭദ്രയില്‍ സ്ത്രീകളുള്‍പ്പടെ 10 ആദിവാസികളെ ഗ്രാമത്തലവനും കൂട്ടാളികളും കഴിഞ്ഞ ബുധനാഴ്ചയാണ് വെടിവെച്ചുക്കൊന്നത്. 24 പേര്‍ ഗുരുതര പരിക്കുകളോടെ ചികിത്സയിലാണ്. മരിച്ച പത്ത് പേരുടെയും കുടുംബാംഗങ്ങളെ സന്ദർശിക്കാനായിരുന്നു പ്രിയങ്ക എത്തിയത്. എന്നാല്‍, നിരോധനാജ്ഞ നിലനില്‍ക്കുന്ന സോന്‍ഭദ്രയില്‍ പ്രിയങ്കക്ക് പ്രവേശനം അനുവദിക്കില്ലെന്ന് യോഗി സര്‍ക്കാര്‍ തീരുമാനിക്കുകയായിരുന്നു.

തുടർന്നു സ്ഥലത്ത് സംഘര്‍ഷ സാധ്യത കണക്കിലെടുത്ത് മിര്‍സാപുര്‍ പൊലീസ് പ്രിയങ്കയെ തടഞ്ഞ് കരുതല്‍ കസ്റ്റഡിയിലെടുത്തു. മി​ർ​സാ​പു​ർ ഗ​സ്റ്റ് ഹൗ​സി​ലാ​ണ് വെ​ള്ളി​യാ​ഴ്ച രാ​ത്രി​യി​ൽ പ്രി​യ​ങ്ക ത​ങ്ങി​യ​ത്. ഗ​സ്റ്റ്ഹൗ​സി​ലെ വൈ​ദ്യു​തി​ബ​ന്ധം അ​ധി​കൃ​ത​ർ വിഛേ​ദി​ക്കു​ക​യും ചെ​യ്തു. ഇ​തോ​ടെ പ്രി​യ​ങ്ക രാ​ത്രി​ മു​ഴു​വ​ൻ ക​ഴി​ച്ചു​കൂ​ട്ടി​യ​ത് കോ​ൺ​ഗ്ര​സ് പ്ര​വ​ർ​ത്ത​ക​ർ ന​ൽ​കി​യ മെ​ഴു​കു​തി​രി​വെ​ട്ട​ത്തി​ലാ​ണ്. രാ​ത്രി മൊ​ബൈ​ൽ ഫോ​ൺ ലൈ​റ്റി​ന്‍റെ വെ​ട്ട​ത്തി​ൽ പ്ര​വ​ർ​ത്ത​ക​രു​മാ​യി സം​വ​ദി​ക്കാ​നും പ്രി​യ​ങ്ക സ​മ​യം ക​ണ്ടെ​ത്തി. കൊ​ല്ല​പ്പെ​ട്ട​വ​രു​ടെ ബ​ന്ധു​ക്ക​ളെ കാ​ണാ​തെ മ​ട​ങ്ങി​ല്ലെ​ന്ന നി​ല​പാ​ടി​ൽ പ്രി​യ​ങ്ക ഉ​റ​ച്ചു​നി​ന്ന​തോ​ടെ​യാ​ണ് അ​ധി​കൃ​ത​ർ വി​ട്ടു​വീ​ഴ്ച​യ്ക്കു ത​യാ​റാ​യ​ത്.

Advertisement

Leave a Reply

avatar
  Subscribe  
Notify of