വധ ശ്രമം നടത്തിയ എസ്.എഫ്.ഐ. നേതാക്കൾ പി.എസ്.സിയുടെ പോലീസ് റാങ്ക് ലിസ്റ്റിൽ ഉന്നത റാങ്കുകൾ നേടിയതിൽ ദുരൂഹത

തിരുവനന്തപുരം:

യൂണിവേഴ്‌സിറ്റി കോളേജിൽ എസ്.എഫ്.ഐ. പ്രവർത്തകനെ കുത്തിയ എസ്.എഫ്.ഐ. നേതാക്കൾ പി.എസ്.സി. യുടെ പോലീസ് റാങ്ക് ലിസ്റ്റിൽ ഒന്നും, രണ്ടും, ഇരുപത്തെട്ടും റാങ്കുകാർ ആയത് പുതിയൊരു വിവാദത്തിനു തിരികൊളുത്തുന്നു. പി.എസ്.സി. യുടെ സുതാര്യതയെ തന്നെ ചോദ്യം ചെയ്യുന്ന ആരോപണങ്ങളാണ് ഇപ്പോൾ പ്രതിപക്ഷ പാർട്ടികൾ ഉന്നയിക്കുന്നത്.

ക​ണ്ണൂ​ർ ആ​സ്ഥാ​ന​മാ​യ കെ.എ.പി. 4 ബ​റ്റാ​ലി​യ​നി​ലെ പോ​ലീ​സ് കോ​ണ്‍​സ്റ്റ​ബി​ൾ നി​യ​മ​ന​ത്തി​നു​ള്ള റാ​ങ്ക് പ​ട്ടി​ക​യി​ലാ​ണ് പ്ര​തി​ക​ൾ കൂ​ട്ട​ത്തോ​ടെ ഇ​ടം​പി​ടി​ച്ച​ത്. യൂ​ണി​വേ​ഴ്സി​റ്റി കോ​ള​ജ് വി​ദ്യാ​ർ​ഥി​യാ​യ അ​ഖി​ലി​നെ കു​ത്തി​യ കേ​സി​ലെ ഒ​ന്നാം പ്ര​തി​യും എസ്.എഫ്.ഐ. യൂ​ണി​റ്റ് പ്ര​സി​ഡ​ന്‍റു​മാ​യ ശി​വ​ര​ഞ്ജി​ത്താ​ണ് റാ​ങ്ക് പ​ട്ടി​ക​യി​ലെ ഒ​ന്നാ​മ​ൻ. കേ​സി​ലെ ര​​ണ്ടാം പ്ര​തി​യും എസ്.എഫ്.ഐ. യൂ​ണി​റ്റ് സെ​ക്ര​ട്ട​റി​യു​മാ​യ എ.​എ​ൻ. ന​സീം പ​ട്ടി​ക​യി​ലെ 28-ാം റാ​ങ്കു​കാ​ര​നാ​ണ്. പ​ട്ടി​ക​യി​ലെ ര​ണ്ടാം റാ​ങ്കു​കാ​ര​ൻ പി.​പി. പ്ര​ണ​വും എസ്.എഫ്.ഐ. യൂ​ണി​റ്റ് ക​മ്മി​റ്റി അം​ഗ​മാ​ണ്.

ഇവരെല്ലാം കാസർഗോട്ടെ പരീക്ഷ തിരുവനന്തപുരത്തെ യൂണിവേഴ്‌സിറ്റി കോളേജിലാണ് എഴുതിയത്. ഇവരെല്ലാം മികച്ച വിജയം നേടുകയും ചെയ്തു. ഇതിന് പിന്നിൽ കള്ളക്കളിയുണ്ടെന്നാണ് ആരോപണം. യൂ​ണി​വേ​ഴ്സി​റ്റി കോ​ള​ജി​ൽ ത​ന്നെ പ​രീ​ക്ഷ എ​ഴു​താ​ൻ അ​ന​ധി​കൃ​ത സൗ​ക​ര്യം ഒ​രു​ക്കി​ക്കൊ​ടു​ത്തെ​ന്നും കോ​പ്പി​യ​ടി​ച്ചാ​ണ് എസ്.എഫ്.ഐ. നേ​താ​ക്ക​ൾ ഉ​ന്ന​ത റാ​ങ്ക് നേ​ടി​യ​ത് എ​ന്നു​മാ​ണ് ഉ​യ​രു​ന്ന ആ​രോ​പ​ണ​ങ്ങ​ൾ. ഇ​തി​ന്‍റെ അ​ടി​സ്ഥാ​ന​ത്തി​ൽ ര​ഹ​സ്യാ​ന്വേ​ഷ​ണ വി​ഭാ​ഗം അ​ന്വേ​ഷ​ണം തു​ട​ങ്ങി. പി.എസ്‌.സി. യി​ൽ​നി​ന്ന് വി​വ​ര​ങ്ങ​ൾ ശേ​ഖ​രി​ക്കാ​ൻ തീ​രു​മാ​നി​ച്ച​താ​യും സൂ​ച​ന​യു​ണ്ട്.

ഒരാഴ്ച മുൻപാണ് പി. എസ്. സി. കോൺസ്റ്റബിൾ പരീക്ഷയുടെ ഫലം പ്രഖ്യാപിച്ചത്. അ​ഖി​ലി​നെ കു​ത്തി​യവരെ സ​ർ​ക്കാ​ർ എ​ത്ര​യും വേ​ഗം പോ​ലീ​സി​ൽ എ​ടു​ക്ക​ണ​മെ​ന്നും നെ​ടു​ങ്ക​ണ്ടം പോ​ലീ​സ് സ്റ്റേ​ഷ​നി​ൽ ത​ന്നെ നി​യ​മി​ക്ക​ണ​മെ​ന്നും കോൺഗ്രസ്സ് നേതാവ് വി​ഷ്ണു​നാ​ഥ് പ​രി​ഹ​സി​ച്ചു.