ന്യൂഡൽഹി:
കോൺഗ്രസ്സിന്റെ അദ്ധ്യക്ഷസ്ഥാനത്തുനിന്നും രാഹുൽ ഗാന്ധ് രാജിവച്ചതിനു പിന്നാലെ, എ.ഐ.സി.സി. ജനറല്‍ സെക്രട്ടറി ഹരീഷ് റാവത്ത് രാജിവച്ചു. ലോക്സഭ തിരഞ്ഞെടുപ്പിൽ കോണ്‍ഗ്രസ് നേരിട്ട തിരിച്ചടിയുടെ ഉത്തരവാദിത്തം ഏറ്റെടുത്താണ് റാവത്തിന്റെ രാജി. ആസ്സാമിൽ കോൺഗ്രസ് പാർട്ടിയുടെ ചുമതല വഹിച്ചുവരുകയായിരുന്നു. ഉത്തരാഖണ്ഡ് മുൻ മുഖ്യമന്ത്രി ആയിരുന്നു.
ഹരീഷ് റാവത്ത് അഞ്ച് തവണ പാര്‍ലമെന്റ് അംഗമായി തിരഞ്ഞെടുക്കപ്പെട്ടിട്ടുണ്ട്. രണ്ടാം യു.പി.എ. മന്ത്രിസഭയില്‍ ജലവിഭവ മന്ത്രിയായിരുന്നു.
ലോക്സഭ തിരഞ്ഞെടുപ്പിൽ, ആസ്സാമിലെ 14 സീറ്റുകളിൽ, കോൺഗ്രസ്സിനു നേടാനായത് മൂന്നു സീറ്റു മാത്രമാണ്.