അനിൽ അംബാനിയുടെ ഫ്രഞ്ച് കമ്പനിക്കു വൻ നികുതിയിളവ് ; റഫാൽ കരാറിന് പിന്നാലെ നടന്ന ഈ നടപടിയിലും ദുരൂഹത

ന്യൂ​ഡ​ൽ​ഹി:

റഫാൽ കരാറിന്റെ പേരിൽ വിവാദത്തിലായ വ്യവസായി അനിൽ അംബാനിയുടെ ഫ്രാൻസിൽ രെജിസ്റ്റർ ചെയ്തിട്ടുള്ള “റിലയന്‍സ് അറ്റ്ലാന്റിക് ഫ്ളാഗ് ഫ്രാന്‍സ്” എന്ന കമ്പനിയ്ക്ക് 143.7 ദ​ശ​ല​ക്ഷം യൂ​റോ​യു​ടെ നി​കു​തി ഫ്രഞ്ച് സർക്കാർ ഇളവ് ചെയ്തതായി റിപ്പോർട്ട്. ഫ്ര​ഞ്ച് പ​ത്രം ’ലെ ​മോ​ണ്‍​ഡേ’ ആ​ണ് ഇ​തു​സം​ബ​ന്ധി​ച്ച വി​വ​രം റി​പ്പാ​ർ​ട്ട് ചെ​യ്ത​ത്. ഇ​ന്ത്യ 36 റ​ഫാ​ൽ വി​മാ​ന​ങ്ങ​ൾ വാ​ങ്ങു​മെ​ന്ന് പ്ര​ധാ​ന​മ​ന്ത്രി ന​രേ​ന്ദ്ര മോ​ദി പ്ര​ഖ്യാ​പി​ച്ച​തി​നു പി​ന്നാ​ലെ​യാ​ണ് ഫ്ര​ഞ്ച് സ​ർ​ക്കാ​ർ അ​നി​ലി​ന്‍റെ ഫ്രാ​ൻ​സി​ലു​ള്ള കമ്പനിയ്ക്ക് നി​കു​തി ഇ​ള​വ് പ്ര​ഖ്യാ​പി​ച്ച​ത്.

അനിൽ അംബാനിയുടെ ഫ്രഞ്ച് കമ്പനി 2007 മുതല്‍ 2012 വരെയുള്ള കാലയളവില്‍ രണ്ടു തവണകളായി നികുതി വെട്ടിപ്പ് നടത്തിയെന്ന പേരില്‍ അന്വേഷണം നേരിട്ടിരുന്നു. ഫ്രാന്‍സില്‍ അനില്‍ അംബാനിയുടെ കമ്പനി അന്വേഷണം നേരിടുന്ന സമയത്താണ് റഫാല്‍ ഇടപാട് നടന്നതെന്നും ഫ്രഞ്ച് പത്രം വ്യക്തമാക്കുന്നു.

151 മില്യണ്‍ യൂറോയാണ് അനിൽ അംബാനിയുടെ കമ്പനി ഫ്രാൻസിൽ നികുതി കുടിശ്ശികയായി അടക്കാൻ ഉണ്ടായിരുന്നത്. എ​ന്നാ​ൽ റ​ഫാ​ൽ ഇ​ട​പാ​ടി​നു പി​ന്നാ​ലെ ഫ്രാ​ൻ​സ് 143.7 ദ​ശ​ല​ക്ഷം യൂ​റോ​യു​ടെ നി​കു​തി ഒ​ഴി​വാ​ക്കി ന​ൽ​കി​യ​താ​യാ​ണ് റി​പ്പോ​ർ​ട്ട്. ഒ​റ്റ​ത്ത​വ​ണ തീ​ർ​പ്പാ​ക്ക​ലി​ന്‍റെ ഭാ​ഗ​മാ​യി 7.3 മി​ല്യ​ണ്‍ യൂ​റോ മാ​ത്രം അ​ട​ച്ച് അ​ന്വേ​ഷ​ണം ഒ​ഴി​വാ​ക്കാ​ൻ അ​വ​സ​രം ന​ൽ​കി​യെ​ന്നാ​ണ് ’ലെ ​മോ​ണ്‍​ഡേ’ അവരുടെ റി​പ്പോ​ർ​ട്ടി​ൽ പ​റ​യു​ന്ന​ത്.

റഫാൽ ഇടപാടിൽ അ​നി​ൽ അം​ബാ​നി​യു​ടെ കമ്പനിയെ പ​ങ്കാ​ളി​യാ​ക്കി​യ​ത് വ​ലി​യ വി​വാ​ദ​ത്തി​ന് ഇ​ട​യാ​ക്കി​യി​രു​ന്നു. യുദ്ധവിമാനങ്ങൾ നിർമ്മിച്ച് പരിചയമില്ലാത്ത കമ്പനിക്കു പൊതുമേഖല സ്ഥാപനമായ ഹിന്ദുസ്ഥാൻ ഏറോനോട്ടിക്‌സ് ലിമിറ്റഡിനെ മറികടന്നു കരാർ നൽകിയതിൽ പ്രതിപക്ഷ കക്ഷികൾ അഴിമതി ആരോപണം ഉയർത്തിയിരുന്നു. ഇപ്പോൾ അനിൽ അംബാനിക്ക് ഫ്രഞ്ച് സർക്കാർ വൻ നികുതി ഇളവ് നൽകിയെന്ന റിപ്പോർട്ടിന് സ്ഥിരീകരണം ഉണ്ടായാൽ വിവാദ ഇടപാടിൽ അനിലിന്റെ പങ്കിനെ കുറിച്ച് കൂടുതൽ ചോദ്യങ്ങൾ ഉയരും. ഇത് ഫ്രഞ്ച് സർക്കാരിനും, മോദി സർക്കാരിനും ഒരു പോലെ തലവേദന സൃഷ്ടിക്കും.