കൂ​വ​ക്കൊ​പ്പം മ​ഞ്ഞ​ൾ കൃ​ഷി​യി​ലും തി​ള​ങ്ങി വീ​ട്ട​മ്മ

വണ്ടൂർ:

കൂ​വ കൃ​ഷി​ക്ക് പി​റ​കെ മ​ഞ്ഞ​ൾ കൃ​ഷി​യി​ലും വി​ജ​യ​ഗാ​ഥ കു​റി​ക്കു​ക​യാ​ണ് ഈ ​വീ​ട്ട​മ്മ. എ​ട​വ​ണ്ണ സ്വ​ദേ​ശി​നി ജു​മൈ​ല ബാ​നു​വാ​ണ് ഇ​ത്ത​വ​ണ കൂ​വ​ക്കൊ​പ്പം 15 എ​ക്ക​ർ പാ​ട്ട കൃ​ഷി​യാ​യി മ​ഞ്ഞ​ൾ പ​രീ​ക്ഷി​ക്കു​ന്ന​ത്. കോ​ഴി​ക്കോ​ട്ടു​നി​ന്ന്​ മ​ല​പ്പു​റ​ത്തിൻറെ മ​ണ്ണി​ലേ​ക്ക് കൃ​ഷി സ്വ​പ്നം ക​ണ്ട് വാ​ഹ​നം ക​യ​റു​മ്പോ​ൾ ജു​മൈ​ല ബാ​നു​വിൻറെ മ​ന​സ്സു​നി​റ​യെ പ്ര​തീ​ക്ഷ​ക​ളാ​യി​രു​ന്നു. എ​ട്ടു​വ​ർ​ഷം മു​മ്പ് തി​രു​വാ​ലി കാ​ള​പൂ​ട്ട് ക​ണ്ട​ത്തി​ലെ അ​ഞ്ച്​ എ​ക്ക​റി​ലെ കൂ​വ കൃ​ഷി ഇ​ന്നും തു​ട​രു​ന്നു​ണ്ട്.

വണ്ടൂരില്‍ വിളയുന്ന വെള്ള കൂവ്വ അമേരിക്കയിലേക്ക്; ഉടനെ വിളവെടുക്കുന്ന മഞ്ഞള്‍ ബം​ഗളൂരുവിലേക്ക്. എടവണ്ണ സ്വദേശിനി ജുമൈലാ ബാനുവിന്റെ കൃഷിവിജയം ഇങ്ങനെയാണ്. കു​ന്ദ​മം​ഗ​ലം, പൂ​വാ​ട്ട് പ​റ​മ്പ് തു​ട​ങ്ങി​യ സ്ഥ​ല​ങ്ങ​ളി​ൽ മു​മ്പ് കൂ​വ കൃ​ഷി ചെ​യ്തി​രുന്നെ​ങ്കി​ലും കാ​ര്യ​മാ​യ പു​രോ​ഗ​തി കൈ​വ​രി​ക്കാ​ൻ സാ​ധി​ക്കാ​ത്ത​തി​നാ​ൽ ബ​ന്ധു​ക്ക​ൾ വ​ഴി​യാ​ണ് മ​ല​പ്പു​റ​ത്ത് എ​ത്തു​ന്ന​ത്. തി​ക​ച്ചും ജൈ​വ​രീ​തി​യി​ലാ​യ​തി​നാ​ൽ ന​ല്ല പി​ന്തു​ണ​യും സ്വീ​ക​ര്യ​ത​യു​മാ​ണ് ല​ഭി​ക്കു​ന്ന​ത്.

ബം​ഗളൂരുവിലെ സ്വകാര്യ കമ്പനിയുടെ നിർദേശപ്രകാരമാണ് ഈ വർഷം മുതൽ വിവിധ ഇനത്തിൽപ്പെട്ട മഞ്ഞൾ പരീക്ഷിച്ചത്. ഉല്പ്പാദന ചെലവ് കുറവും വരുമാനം ഏറെയുമുള്ള കൃഷിയാണ് കൂവ്വയെപ്പോലെ മഞ്ഞളും. എട്ട് മാസമാണ് രണ്ടിനും വിളവെടുപ്പ് കാലം.

വെള്ള കൂവ്വ അമേരിക്കയിലേക്ക് അയക്കും. കൃഷിക്ക് വേണ്ട വിത്തിനങ്ങള്‍ കമ്പനിയാണ് നൽകുന്നത്. വിളവെടുക്കുന്ന മഞ്ഞൾ ബാം​ഗളൂരുവിലെ കമ്പനിക്കും നല്‍കും.

കുന്നമംഗലം, പൂവാട്ട്പറമ്പ് എന്നിവിടങ്ങളിൽ ചെയ്ത കൂവ്വക്കൃഷിയേക്കാള്‍ ആദായം ഇപ്പോള്‍ ലഭിക്കുന്നുണ്ട്. ജൈവ രീതിയിലാണ് കൃഷി. വണ്ടൂർ മേഖലയിലെ കാട്ടുമുണ്ട, എറിയാട്, കോഴിപ്പറമ്പ് തുടങ്ങിയ സ്ഥലങ്ങളിലെ കൃഷി അടുത്ത വർഷത്തോടെ വ്യാപിപ്പിക്കും; ജുമൈലാ ബാനു പറഞ്ഞു. മകൾ ഷിഫയും ഭർത്താവ് പ്രവാസിയായ കുറ്റിക്കാട്ടൂർ കീഴ്മഠത്തിൽ മുസ്തഫയും പൂർണ പിന്തുണയുമായി ഒപ്പമുണ്ട്.