സർക്കാർ വാഗ്ദാനം നടപ്പായില്ല; കാ​ട്ടാ​ന ആ​ക്ര​മ​ണ​ത്തി​ൽ കൊ​ല്ല​പ്പെ​ട്ടയാളുടെ കുടുംബം ദുരിതത്തിൽ

മേ​പ്പാ​ടി:

ജോ​ലി​ക്കി​ടെ കാ​ട്ടാ​ന ആ​ക്ര​മ​ണ​ത്തി​ൽ കൊ​ല്ല​പ്പെ​ട്ട എ ​വി ​ടി എ​സ്‌​റ്റേ​റ്റ് ജീ​വ​ന​ക്കാ​രൻറെ കു​ടും​ബ​ത്തി​ന് സ​ർ​ക്കാ​ർ പ്ര​ഖ്യാ​പി​ച്ച ന​ഷ്​​പ​രി​ഹാ​ര​ത്തു​ക​യും ആ​ശ്രി​ത​ന് ജോ​ലി​യും വ​ർ​ഷ​ങ്ങ​ൾ ക​ഴി​ഞ്ഞി​ട്ടും ന​ൽ​കി​യി​ല്ലെ​ന്ന് പ​രാ​തി.എ​സ്‌​റ്റേ​റ്റി​ൽ പ്ലം​ബ​റാ​യി​രു​ന്ന സി മ​ണി 2016 ഏ​പ്രി​ൽ 20നാ​ണ് ജോ​ലി​ക്കി​ടെ ആ​ന​യു​ടെ ആ​ക്ര​മ​ണ​ത്തി​ൽ കൊ​ല്ല​പ്പെ​ട്ട​ത്. സം​ഭ​വം 2016ലെ ​നി​യ​മ​സ​ഭ തെ​ര​ഞ്ഞെ​ടു​പ്പി​ന് തൊ​ട്ടു​മു​മ്പാ​യി​രു​ന്ന​തി​നാ​ൽ വ​ലി​യ രാ​ഷ്​​ട്രീ​യ വി​വാ​ദ​ങ്ങ​ൾ​ക്കും ആ​രോ​പ​ണ പ്ര​ത്യാ​രോ​പ​ണ​ങ്ങ​ൾ​ക്കും ഇ​ട​യാ​ക്കി.

തു​ട​ർ​ന്ന് മ​ണി​യു​ടെ കു​ടും​ബ​ത്തി​ന് വ​നം​വ​കു​പ്പി​ൽ​നി​ന്ന് അ​ഞ്ചു ല​ക്ഷം രൂ​പ​യും സം​സ്ഥാ​ന സ​ർ​ക്കാ​റിൻറെ നാ​ല്​ ല​ക്ഷം രൂ​പ​യും ന​ഷ്​​ട​പ​രി​ഹാ​ര​വും ആ​ശ്രി​ത​ന് ജോ​ലി​യും അ​ധി​കൃ​ത​ർ വാ​ഗ്ദാ​നം ചെ​യ്തെ​ങ്കി​ലും വ​നം​വ​കു​പ്പിൻറെ അ​ഞ്ച്​ ല​ക്ഷം മാ​ത്ര​മാ​ണ് ല​ഭി​ച്ച​ത്. അ​ഞ്ച്​ വ​ർ​ഷം ക​ഴി​ഞ്ഞി​ട്ടും സ​ർ​ക്കാ​ർ ധ​ന​സ​ഹാ​യ​ത്തു​ക​യോ ആ​ശ്രി​ത​ന് ജോ​ലി​യോ ല​ഭി​ക്കാ​തെ കു​ടും​ബം ദു​രി​ത​ത്തി​ലാ​ണ്. മ​ണി​യു​ടെ മ​ക​ൻ സി ​എം മ​നു​പ്ര​സാ​ദി​ന് ജോ​ലി ന​ൽ​ക​ണ​മെ​ന്ന​താ​യി​രു​ന്നു കു​ടും​ബ​ത്തി​െൻറ താ​ൽ​പ​ര്യം.

ജോ​ലി​ക്കാ​യി മ​നു​പ്ര​സാ​ദ് മു​ട്ടാ​ത്ത വാ​തി​ലു​ക​ളി​ല്ല. എ​ന്നാ​ൽ, അ​ധി​കൃ​ത​ർ കൈ ​മ​ല​ർ​ത്തു​ക​യാ​ണു​ണ്ടാ​യ​ത്. പി​ന്നീ​ട്​ കാ​ട്ടാ​ന​യു​ടെ ആ​ക്ര​മ​ണ​ത്തി​ൽ കൊ​ല്ല​പ്പെ​ട്ട മ​റ്റ് ചി​ല​രു​ടെ കു​ടും​ബ​ത്തി​ലെ ആ​ശ്രി​ത​ർ​ക്ക് താ​ൽ​ക്കാ​ലി​ക സ​ർ​ക്കാ​ർ ജോ​ലി​യെ​ങ്കി​ലും ല​ഭി​ച്ച​പ്പോ​ൾ അ​ഞ്ചു​വ​ർ​ഷ​മാ​യി മ​നു​പ്ര​സാ​ദ് കാ​ത്തി​രി​ക്കു​ക​യാ​ണ്.

നാ​ല്​ ല​ക്ഷം സ​ർ​ക്കാ​ർ ധ​ന​സ​ഹാ​യ​വും വാ​ഗ്​​ദാ​ന​ത്തി​ലൊ​തു​ങ്ങി​യ​തിൻറെ നി​രാ​ശ​യി​ലാ​ണ്​ കു​ടും​ബം. കൂ​ലി​പ്പ​ണി​യെ​ടു​ത്താ​ണ്​ മ​നു​പ്ര​സാ​ദ് കു​ടും​ബം പോ​റ്റു​ന്ന​ത്.