പാ​ട​ത്ത് നെ​ൽ​വി​ത്തു​കൊ​ണ്ട് പൂ​ക്ക​ളം ഒ​രു​ക്കി ജോ​ൺ​സ​ൺ മാ​ഷ്

മാ​ന​ന്ത​വാ​ടി (വയനാട്​):

നെ​ൽ​പാ​ട​ത്ത് നെ​ൽ​വി​ത്തു​കൊ​ണ്ട് മ​നോ​ഹ​ര പൂ​ക്ക​ള​മൊ​രു​ക്കി പാ​ര​മ്പ​ര്യ​നെ​ൽ​വി​ത്തു​ക​ളു​ടെ കാ​വ​ൽ​ക്കാ​ര​നാ​യ ജോ​ൺ​സ​ൺ മാ​ഷ്. കാ​ല ബാ​ത്ത്, കാ​കി​ശാ​ല, നാ​സ​ർ ബാ​ത്ത് എ​ന്നീ ഉ​ത്ത​രേ​ന്ത്യ​ൻ നെ​ൽ​വി​ത്തു​ക​ൾ ഉ​പ​യോ​ഗി​ച്ചാ​ണ് ക​റു​പ്പും പ​ച്ച​യും വ​യ​ല​റ്റും നി​റ​ങ്ങ​ളി​ൽ കാ​ക്ക​വ​യ​ൽ പാ​ട​ശേ​ഖ​ര​ത്ത് ജോ​ൺ​സ​ൻ ഓ​ണ​പൂ​ക്ക​ളം ഒ​രു​ക്കി​യ​ത്.മ​ധ്യ​ത്തി​ലാ​യി ക​ർ​ഷ​ക​നെ​യും ഭാ​ര്യ​യെ​യും പ്ര​തീ​കാ​ത്മ​ക​മാ​യി ചി​ത്രീ​ക​രി​ച്ചി​ട്ടു​ണ്ട്.

46 ഇ​നം പ​ര​മ്പ​രാ​ഗ​ത നെ​ൽ​വി​ത്തു​ക​ളു​ടെ സം​ര​ക്ഷ​ക​ൻ കൂ​ടി​യാ​ണ് സം​സ്ഥാ​ന സ​ർ​ക്കാ​റിൻറെ മി​ക​ച്ച ജൈ​വ ക​ർ​ഷ​ക​നു​ള്ള പു​ര​സ്കാ​രം നേ​ടി​യ ഈ ​ക​ർ​ഷ​ക​ൻ. തു​ട​ർ​ച്ച​യാ​യി നാ​ലു​ വ​ർ​ഷ​മാ​യി ഓ​ണ​ത്തി​ന് മു​ന്നോ​ടി​യാ​യി വ​യ​ലി​ൽ നെ​ൽ​കൃ​ഷി​യി​ൽ ക​ലാ​സൃ​ഷ്​​ടി​ക​ൾ ഓ​ണ​വി​രു​ന്നാ​യി ഒ​രു​ക്കാ​റു​ണ്ട്.

ഓ​ണ​പൂ​ക്ക​ളം, അ​ത്ത​പൂ​ക്ക​ളം, കേ​ര​ള​ത്തി​െൻറ മാ​പ്പ് എ​ന്നി​വ​യെ​ല്ലാം നെ​ല്ല് ഉ​പ​യോ​ഗി​ച്ച് ഒ​രു​ക്കി​യി​ട്ടു​ണ്ടെ​ങ്കി​ലും കൊ​വി​ഡിൻറെ ആ​ദ്യ​കാ​ല​ഘ​ട്ട​ത്തി​ൽ ന​ഞ്ച​പ്പാ​ട​ത്ത് നെ​ല്ലി​ന​ങ്ങ​ൾ​കൊ​ണ്ട് ഒ​രു​ക്കി​യ പ്ര​ത്യാ​ശ​യു​ടെ ദീ​പ​വും ക​ർ​ഷ​ക ൻറെ ക​ണ്ണീ​രും പ്ര​മേ​യ​മാ​ക്കി നി​ർ​മി​ച്ച ദി​യ എ​ന്ന സൃ​ഷ്​​ടി ഏ​റെ ശ്ര​ദ്ധ​യാ​ക​ർ​ഷി​ച്ച​താ​യി​രു​ന്നു. രാ​ഹു​ൽ ഗാ​ഡി ഇ​വി​ടം സ​ന്ദ​ർ​ശി​ച്ച​ത് ഏ​റെ വാ​ർ​ത്താ പ്രാ​ധാ​ന്യം നേ​ടി​യി​രു​ന്നു.

ആ​നൂ​കൂ​ല്യ​ങ്ങ​ൾ പൂ​ർ​ണ​മാ​യ അ​ർ​ഥ​ത്തി​ൽ ക​ർ​ഷ​ക​രി​ലേ​ക്ക് എ​ത്തു​ന്നി​ല്ലെ​ന്നും സാ​ങ്കേ​തി​ക​ത വി​ദ്യ​യും പ​ര​മ്പ​രാ​ഗ​ത അ​റി​വും ചേ​ർ​ന്ന കൃ​ഷി​ക്ക് മാ​ത്ര​മേ വ​രും കാ​ല​ഘ​ട്ട​ങ്ങ​ളി​ൽ വി​ജ​യം കൈ​വ​രി​ക്കാ​ൻ ക​ഴി​യു​ക​യു​ള്ളു​വെ​ന്ന് ജോ​ൺ​സ​ൺ പ​റ​ഞ്ഞു. ജൈ​വ കൃ​ഷി രീ​തി​യി​ൽ പാ​ര​മ്പ​ര്യ​ത്തെ കൈ​വി​ടാ​തെ നൂ​ത​ന​മാ​യ ആ​ശ​യ​ങ്ങ​ളു​മാ​യി തന്റേതായ വ​ഴി​യി​ലൂ​ടെ സ​ഞ്ച​രി​ക്കു​ക​യാ​ണ് മു​ൻ അ​ധ്യാ​പ​ക​ൻ കൂ​ടി​യാ​യ ഈ ​ക​ർ​ഷ​ക​ൻ.