Reading Time: < 1 minute
കുവൈത്ത്​ സിറ്റി:

കുവൈത്ത്​ പാർലമെൻറിലേക്ക്​ ശനിയാഴ്​ച ഉപതിരഞ്ഞെടുപ്പ് നടക്കും. അഞ്ചാം മണ്ഡലത്തിൽനിന്ന്​ ജയിച്ച ബദർ സയിദ്​ അൽ ആസ്​മിയെ ഭരണഘടന കോടതി അയോഗ്യനാക്കിയതിനെ തുടർന്നാണ്​ ഉപതിരഞ്ഞെടുപ്പ് വേണ്ടിവന്നത്​.

തിരഞ്ഞെടുപ്പിനുള്ള ഒരുക്കമെല്ലാം ആഭ്യന്തര മന്ത്രാലയം പൂർത്തിയാക്കിയിട്ടുണ്ട്​. രാജ്യത്തിന്റെ ചരിത്രത്തിലെ 14ാമത്​ ഉപതിരഞ്ഞെടുപ്പാണിത്. മുൻ എം പി ഡോ ഉബൈദ്​ അൽ വസ്​മി ഉൾപ്പെടെ പ്രമുഖർ മത്സരിക്കുന്നുണ്ട്​.

രണ്ട്​ വനിതകൾ ഉൾപ്പെടെ 35 സ്ഥാനാർത്ഥികളാണുള്ളത്. ഡോ ഉബൈദ്​ അൽ വസ്​മിക്കാണ്​ കൂടുതൽ വിജയസാധ്യത കൽപിക്കപ്പെടുന്നത്​. ഡോ ബദർ അൽ ദഹൂമിന്​​ തിരഞ്ഞെടുപ്പിൽ മത്സരിക്കാനുള്ള യോഗ്യതയുണ്ടായിരുന്നില്ല എന്ന്​ ചൂണ്ടിക്കാട്ടിയാണ്​ ഭരണഘടന കോടതി നടപടി സ്വീകരിച്ചത്​.

പ്രതിപക്ഷ എം പിമാർ ഇതിൽ പ്രതിഷേധം ഉയർത്തിയെങ്കിലും അംഗീകരിക്കപ്പെട്ടില്ല. കൊവിഡ് പശ്ചാത്തലത്തിൽ കർശന നിയ​ന്ത്രണങ്ങളോടെയാണ്​ തിരഞ്ഞെടുപ്പ് പ്രക്രിയ നടക്കുക.

Advertisement