Reading Time: < 1 minute
ന്യൂഡൽഹി:

കൊവിഡ് ബാധിതർ ഓക്​സിജൻ കിട്ടാതെ മരിച്ചുവീഴുന്നത്​ തുടർക്കഥയായ ഡൽഹിയിൽ അടിയന്തരമായി ​ ഓക്​സിജൻ എത്തിക്കണമെന്ന്​ കേ​ന്ദ്രത്തിന്​ താക്കീത്​ നൽകി സുപ്രീം കോടതി. തിങ്കളാഴ്ച അർദ്ധരാത്രിയോടെ എത്തിക്കണം. അടിയന്തര ഘട്ടങ്ങളിൽ പ്രയോജന​പ്പെടുത്താൻ സംസ്​ഥാനങ്ങളുമായി സഹകരിച്ച്​ ഓക്​സിജൻ അധിക സ്​റ്റോക് സംഘടിപ്പിക്കണമെന്നും കോടതി നിർദ്ദേശിച്ചു.

ജസ്റ്റീസുമാരായ​ ഡി വൈ ചന്ദ്രചൂഡ്​, എൽ എൻ റാവു, എസ്​ രവീന്ദ്ര ഭട്ട്​ എന്നിവരടങ്ങിയ ബെഞ്ചാണ്​ ഓക്​സിജൻ ക്ഷാമം പരിഹരിക്കാൻ 64 പേജടങ്ങിയ ഉത്തരവ്​ നൽകിയത്​. കുട്ടികളുടെ ആശുപത്രിയായ മധുകർ റെയ്​ൻബോ ഉൾപെടെ ഡൽഹിയിലെ നിരവധി ആതുരാലയങ്ങളിലാണ്​ ഓക്​സിജൻ ക്ഷാമം രൂക്ഷമായി തുടരുന്നത്​. ഇതുസംബന്ധിച്ച്​ ഡൽഹി ഹൈക്കോടതിയിലും തുടർച്ചയായ വാദംകേൾക്കൽ തുടരുകയാണ്​.

പ്രതിദിനം 970 മെട്രിക്​ ടൺ ഓക്​സിജൻ അനുവദിക്കണമെന്നാണ്​ അരവിന്ദ്​ കെജ്​രിവാൾ സർക്കാറിന്‍റെ ആവശ്യം. എന്നാൽ, 590 മെട്രിക്​ ടൺ ആയിരുന്നു ശനിയാഴ്ച അനുവദിച്ചത്​.

Advertisement