കൊൽക്കത്ത:
പശ്ചിമ ബംഗാളിൽ മുഖ്യമന്ത്രി മമത ബാനർജിക്ക് തോൽവി. തൃണമൂൽ വിട്ട് ബിജെപിയിലെത്തിയ സുവേന്ദു അധികാരിയോട് 1957 വോട്ടിനാണ് പരാജയം ഏറ്റുവാങ്ങിയത്. സുവേന്ദുവിന്‍റെ സിറ്റിങ് മണ്ഡലമാണ് നന്ദിഗ്രാം.
നന്ദിഗ്രാമിലെ ജനങ്ങളുടെ വിധിയെ അംഗീകരിക്കുന്നു. പക്ഷേ, തിരഞ്ഞെടുപ്പ് കമ്മീഷനെതിരെ കോടതിയെ സമീപിക്കുമെന്ന് മമത അറിയിച്ചു. മണിക്കൂറുകൾക്ക് മുമ്പ് 1200 വോട്ടിന് മമത ജയിച്ചുവെന്ന് പ്രഖ്യാപിച്ചതിനു ശേഷം സുവേന്ദു അധികാരിയുടെ വിജയം പ്രഖ്യാപിക്കുകയായിരുന്നു. വിധിയിലെ ആശയക്കുഴപ്പത്തെ തുടർന്നാണ് മമത ബാനർജി കോടതിയെ സമീപിക്കാൻ തീരുമാനിച്ചത്.