ദോഹ:
പൊതുജനങ്ങൾക്ക് കൊവിഡ് വാക്‌സീൻ വേഗത്തിൽ ലഭ്യമാക്കുന്നതിനുള്ള നടപടികളുടെ ഭാഗമായി ദേശീയ കൊവിഡ് വാക്‌സിനേഷൻ ക്യാംപെയ്ൻ കൂടുതൽ കേന്ദ്രങ്ങളിലേക്ക്. ഹെൽത്ത് സെന്ററുകളിൽ മാത്രമായിരുന്ന വാക്‌സിനേഷൻ ക്യാംപെയ്ൻ നിലവിൽ ഖത്തർ നാഷനൽ കൺവൻഷൻ സെന്റർ (ക്യുഎൻസിസി), ലുസെയ്ൽ ഡ്രൈവ്-ത്രൂ എന്നീ മൂന്ന് കേന്ദ്രങ്ങളിലേക്ക് കൂടി വിപുലീകരിച്ചിട്ടുണ്ട്.
ലുസെയ്‌ലിലെ കൊവിഡ് വാക്‌സിനേഷൻ ഡ്രൈവ്-ത്രൂ സെന്റർ (ചിത്രം-പൊതുജനാരോഗ്യമന്ത്രാലയം, ട്വിറ്റർ പേജ്)
ഡിസംബർ 23ന് ആരംഭിച്ച നാലു ഘട്ടങ്ങളിലായുളള ക്യാംപെയ്ൻ ഒക്‌ടോബർ 31 വരെയാണ് പ്രഖ്യാപിച്ചിരിക്കുന്നത്. നിശ്ചിത മുൻഗണനാ പട്ടികയിലുള്ളവർക്കാണ് വാക്‌സിനേഷന് അനുമതി. ആഴ്ചയിൽ 50,000 പേർക്ക് വാക്‌സീൻ നൽകികൊണ്ട് രാജ്യത്തെ 95 ശതമാനം ജനങ്ങൾക്കും വാക്‌സീൻ ലഭ്യമാക്കുകയാണ് ലക്ഷ്യം.