മക്ക:
കഅ്ബയെ പുതപ്പിക്കുന്ന കിസ്വ നിർമിക്കുന്ന മക്കയിലെ കിങ് അബ്ദുൽ അസീസ് കിസ്വ കോംപ്ലക്‌സിൽ
വൻ വികസന പദ്ധതികൾക്ക് ഹറംകാര്യ വകുപ്പ് തുടക്കമിട്ടു. കിസ്വ കോംപ്ലക്‌സിൽ എത്തുന്ന സന്ദർശകർക്കായി കഅ്ബയുടെ ചരിത്രം പറയുന്ന വിഷൽ ഹാൾ ഉൾപ്പെടെയുള്ളവ വികസനത്തിെൻറ ഭാഗമായി തുറക്കും. കഅ്ബയെ പുതപ്പിക്കുന്ന പുടവയാണ് കിസ്വ.
കിസ്വ കോംപ്ലക്‌സ് സന്ദർശകർക്ക് മികച്ച അനുഭവം സമ്മാനിക്കുകയാണ് പുതിയ പദ്ധതികളുടെ ലക്ഷ്യം.കഅ്ബയിലേക്കുള്ള കിസ്വ തുന്നുന്ന ഫാക്ടറി ഉൾപ്പെടുന്ന കോംപ്ലക്സിലാണ് പുതിയ നിർമാണ പദ്ധതികൾ. ഇവിടെയെത്തുന്നവർക്കായി ഏറ്റവും മികച്ച വാസ്തുശൈലിയിലുള്ള വലിയ ജുമാമസ്ജിദ്, വിഷൽ ഹാൾ, കഅ്ബാലയത്തിെൻറ ചരിത്രം പ്രദർശിപ്പിക്കുന്ന കഅ്ബ ഹാൾ, വലിയ ഓഡിറ്റോറിയം, പാർക്ക്, ചരിത്ര ശൈലിയിലുള്ള സൂഖുകൾ, റസ്റ്റാറൻറുകൾ, കോഫി ഷോപ്പുകൾ എന്നിവയെല്ലാം വികസന പദ്ധതിയുടെ ഭാഗമായി നിർമിക്കുന്നുണ്ട്