തിരുവനന്തപുരം:
പ്രായപൂര്‍ത്തിയാകാത്ത സഹോദരിമാരെ 65 വയസ്സുകാരന്‍ ലെെംഗികമായി പീഡനത്തിനിരയാക്കിയത് നാലുമാസത്തോളം. തിരുവനന്തപുരം മംഗലപുരത്താണ് സംഭവം.
മംഗലപുരം മുരുക്കുംപുഴ സ്വദേശി വിക്രമനെ (65) പോക്സോ വകുപ്പ് ചുമത്തി മംഗലപുരം പൊലീസ് അറസ്റ്റ് ചെയ്തു. ഒമ്പതും ആറും വയസ്സുള്ള സഹോദരിമാരാണ് ഇയാളുടെ അതിക്രമത്തിനിരയായത്. പുറത്ത് പറഞ്ഞാല്‍ കൊല്ലുമെന്നായിരുന്നു ഭീഷണി.
അമ്മ വിദേശത്തായതിനാൽ അമ്മൂമ്മയുടെ കൂടെ വാടകവീട്ടിലാണ് കുട്ടികൾ താമസിക്കുന്നത്. ഇവിടെ വീട്ട് ജോലിക്ക് വരാറുള്ളയാളായിരുന്നു പ്രതിയായ വിക്രം. സ്ഥിരമായി ഇവിടെ വരാറുള്ള പ്രതി കുട്ടികളെ ലെെംഗികമായി ചൂഷണം ചെയ്യുകയായിരുന്നു.
ഇയാള്‍ കുടുംബവുമായി നല്ല അടുപ്പമായതിനാല്‍ ആര്‍ക്കും ആദ്യം സംശയം തോന്നിയിരുന്നില്ല. കുട്ടികളുടെ പെരുമാറ്റത്തില്‍ അസ്വഭാവികത തോന്നിയ അയല്‍വാസികള്‍ കാര്യം തിരക്കിയപ്പോഴാണ് പീഡന വിവരം പുറത്തറിയുന്നത്.
അയൽക്കാർ ചൈൽഡ് ലൈനെ വിവരമറിയിക്കുകയും കുടുംബവുമായി ബന്ധപ്പെടുകയും ചെയ്തു. പെൺകുട്ടികളെ കൗണ്‍സിലിങ്ങിന് വിധേയമാക്കുകയും ചെയ്തു. കൗണ്‍സിലിങ്ങിലാണ് കുട്ടികള്‍ തങ്ങള്‍ നാല് മാസത്തോളമായി പീഡനത്തിനരയായ കാര്യം വെളിപ്പെടുത്തിയത്. അവർ ഇക്കാര്യം പോലീസിനെ അറിയിച്ചു. ഇയാളെ പിന്നീട് കസ്റ്റഡിയിലെടുക്കുകയും അറസ്റ്റ് രേഖപ്പെടുത്തുകയും ചെയ്യുകയായിരുന്നു. വൈദ്യപരിശോധനയിൽ കുട്ടികൾ ബലാത്സംഗത്തിനിരയായതായി കണ്ടെത്തി.
https://www.youtube.com/watch?v=Jqug9q16kx4