കൊച്ചി: ചൊവ്വാഴ്ച രാത്രിയോടെ സോഷ്യല്‍ മീഡിയയില്‍ എത്തിയ മമ്മൂട്ടിയുടെ ഒരു ചിത്രമാണ് ഇപ്പോള്‍ സിനിമാ ആരാധകര്‍ക്കിടയില്‍ ചര്‍ച്ചാ വിഷയം ആവുന്നത്.
കറുത്ത ഷര്‍ട്ടും ബ്ലൂ ജീന്‍സും ധരിച്ച് മുടി നീട്ടി വളര്‍ത്തിയ മമ്മൂട്ടിയുടെ ഒരു ചിത്രമായിരുന്നു സോഷ്യല്‍ മീഡിയയില്‍ എത്തിയത്. ഷാമോന്‍ സലിം ആയിരുന്നു ഈ ചിത്രങ്ങള്‍ എടുത്തത്.
ഇതിന് പിന്നാലെ ഈ ചിത്രം മമ്മൂട്ടി – അമല്‍ നീരദ് കൂട്ട്‌കെട്ടില്‍ ഒരുങ്ങുന്ന പുതിയ ചിത്രത്തിന് വേണ്ടിയാണോ എന്നാണ് സോഷ്യല്‍ മീഡിയില്‍ മലയാള സിനിമാ പ്രേമികളില്‍ ഉയരുന്ന പ്രധാന സംശയം.