കൊച്ചി ∙ നാലഞ്ചു വർഷത്തിനകം 17,000 കിലോമീറ്റർ ദൈർഘ്യത്തിൽ പുതിയ പ്രകൃതിവാതക പൈപ്പ് ലൈനുകൾ പൂർത്തിയാക്കുമെന്നു പ്രധാനമന്ത്രി നരേന്ദ്ര മോദി. രാജ്യത്തെ സിഎൻജി സ്റ്റേഷനുകളുടെ എണ്ണം 1500 ൽ നിന്ന് 10,000 ആക്കി ഉയർത്തും. സിറ്റി ഗ്യാസ് പദ്ധതിയിലൂടെ കേരളത്തിലും കർണാടകയിലുമായി 20 ലക്ഷം കുടുംബങ്ങളിൽ പാചക ആവശ്യത്തിനുള്ള പ്രകൃതി വാതകം എത്തിക്കാൻ കൊച്ചി – മംഗളൂരു വാതക പൈപ്പ് ലൈൻ വഴിയൊരുക്കി.