ഹൃദയാഘാതത്തെത്തുടര്‍ന്ന് ചികില്‍സയില്‍ കഴിയുന്ന ബിസിസിഐ പ്രസിഡന്‍റും ഇന്ത്യന്‍ ക്രിക്കറ്റ് ടീം മുന്‍ നായകനുമായ സൗരവ് ഗാംഗുലി മുഖമായ പരസ്യം പിൻവലിച്ച് അദാനി വിൽമർ. ഹൃദയത്തിന്റെ ആരോഗ്യത്തിന് ഉത്തമം എന്ന ആശയത്തിൽ ഫോർച്യൂൺ ഓയിലിന്റെ പരസ്യത്തിൽ ഗംഗുലി അഭിനയിച്ചിരുന്നു. അദ്ദേഹം ഹൃദയാഘാതത്തെത്തുടര്‍ന്ന് ആശുപത്രിയിലായതോടെ ഈ പരസ്യം സമൂഹമാധ്യമങ്ങളിൽ ചർച്ചയായി. ഇതോെടയാണ് ഈ പരസ്യം പിൻവലിച്ചതെന്നാണ് റിപ്പോർട്ടുകൾ. പരസ്യത്തിനെതിരെ സമൂഹമാധ്യമങ്ങളില്‍ വന്‍പരിഹാസമാണ് ഉയര്‍ന്നത്. ഈ സാഹതര്യത്തിലാണ് പിന്‍മാറ്റമെന്ന് റിപ്പോര്‍ട്ടുകള്‍ പറയുന്നു.