Reading Time: < 1 minute

തിരുവനന്തപുരം ∙ കേരളകോൺഗ്രസ് (എം) എൽഡിഎഫിന്റെ ഭാഗമായത് മുന്നണിയുടെ പൊതുസ്വീകാര്യതയ്ക്കു സഹായകരമായെന്നു സിപിഎം സംസ്ഥാനകമ്മിറ്റി വിലയിരുത്തി. മധ്യകേരളത്തിലെ യുഡിഎഫിന്റെ ന്യൂനപക്ഷ കോട്ടകൾ കീഴടക്കാനായതു രാഷ്ട്രീയ ബലാബലത്തിലെ നിർണായക മാറ്റമായി സിപിഎം കണക്കാക്കുന്നു.
കോട്ടയം ജില്ലാ പഞ്ചായത്തും ഭൂരിപക്ഷം ബ്ലോക്ക്പഞ്ചായത്തുകളും നേടാനായത് റിപ്പോർട്ടിൽ എടുത്തുപറഞ്ഞു. പത്തനംതിട്ട, ഇടുക്കി ജില്ലാ പഞ്ചായത്തുകൾ വിജയിക്കാൻ കഴിഞ്ഞതും നേട്ടമായി വിലയിരുത്തി. ന്യൂനപക്ഷ വിഭാഗങ്ങൾക്കു സിപിഎമ്മിനോടുള്ള അകൽച്ച ഒഴിവാക്കാൻ കേരളകോൺഗ്രസിന്റെ (എം) മുന്നണി പ്രവേശം സഹായകരമായി എന്നാണു പാർട്ടി നിഗമനം.

Advertisement