കൊച്ചി ∙ പൊതുമേഖല സ്ഥാപനങ്ങളുടെ ഓഹരി വിൽപനയിലൂടെ മാർച്ചിനകം 2.10 ലക്ഷം കോടി രൂപ സമാഹരിക്കുകയെന്ന ഭീമൻ ലക്ഷ്യം കൈവരിക്കാനുള്ള പ്രയത്നത്തിൽ കേന്ദ്ര സർക്കാരിന്റെ പ്രധാന പ്രതീക്ഷ ബിപിസിഎൽ വിൽപന. എയർ ഇന്ത്യ വിൽക്കാനുള്ള തീവ്രശ്രമം നടക്കുന്നുണ്ടെങ്കിലും നടപ്പു സാമ്പത്തിക വർഷം അതിനുള്ള സാധ്യത വിരളം. മറ്റു ചില പൊതുമേഖലാ സ്ഥാപനങ്ങളുടെ ഓഹരി വിൽപനയിൽനിന്ന് ഇതുവരെ സമാഹരിക്കാനായതു 12,500 കോടി രൂപയോളം മാത്രം.