തിരുവനന്തപുരം:
ഭരണസിരാകേന്ദ്രമായ മുഖ്യമന്ത്രിയുടെ ഓഫീസ് സ്വർണ്ണക്കള്ളക്കടത്തിന് കൂട്ടുനിൽക്കുന്നത് മലയാളികൾക്ക് അപമാനകരമാണെന്ന് പ്രതിപക്ഷ നേതാവ് രമേശ് ചെന്നിത്തല. സ്വന്തം ഓഫീസ് ഭരിക്കാൻ അറിയാത്ത മുഖ്യമന്ത്രിക്ക് നാട് ഭരിക്കാൻ എങ്ങനെ സാധിക്കുമെന്നും പ്രതിപക്ഷ നേതാവ് ചോദിച്ചു. തന്റെ ചോദ്യങ്ങൾക്കൊന്നും ഉത്തരം നൽകാൻ മുഖ്യമന്ത്രി തയ്യാറാവുന്നില്ല. പ്രതിപക്ഷ നേതാവിന്റെ പ്രത്യേക മാനസികാവസ്ഥ കാരണമാണ് ഇത്തരം ചോദ്യങ്ങൾ ഉന്നയിക്കുന്നതെന്നാണ് മുഖ്യമന്ത്രി പറയുന്നത്. കേരളത്തിലെ ജനങ്ങളുടെ മാനസികാവസ്ഥയാണ് തന്റെ മാനസികാവസ്ഥയെന്നും അദ്ദേഹം പറഞ്ഞു.