ഡൽഹി:
ഡൽഹി മുൻസിപ്പൽ കോർപറേഷന്റെ കീഴിലുള്ള ആശുപത്രികളിലെ ഡോക്ടർമാർക്ക് ശമ്പളം കൊടുക്കാത്തതിൽ വിശദീകരണം തേടി ഡൽഹി ഹൈക്കോടതി. കേന്ദ്ര സർക്കാർ, ഡൽഹി സർക്കാർ, നോർത്ത് ഡൽഹി മുനസിപ്പൽ കോർപറേഷൻ എന്നിവരോടാണ് വിശദീകരണം തേടിയിരിക്കുന്നത്. ഡോക്ടർമാർക്ക് എത്രയും വേഗം ശമ്പളം നൽകണമെന്ന് കോടതി ഉത്തരവിട്ടു. മൂന്നു മാസമായി ശമ്പളം കിട്ടാത്തതിനെ തുടർന്ന് കൂട്ടരാജി വെയ്ക്കുമെന്ന് ചൂണ്ടിക്കാട്ടി ഡൽഹിയിലെ ഹിന്ദു റാവ്, കസ്തൂർബാ ആശുപത്രികളിലെ ഡോക്ടർമാർ കത്തയച്ചതിനെ തുടർന്നാണ് നടപടി.