Reading Time: < 1 minute

വാഷിങ്ടണ്‍:

ലോകാരോഗ്യ സംഘടനയുമായുള്ള ബന്ധം അമേരിക്ക പൂര്‍ണമായും അവസാനിപ്പിക്കുകയാണെന്ന് പ്രസിഡന്‍റ് ഡൊണാള്‍ഡ് ട്രംപ് മാധ്യമങ്ങളോട് പറഞ്ഞു. കൊവിഡ്​ 19നെ പ്രതിരോധിക്കുന്നതിൽ സംഘടനയുടെ പോരായ്​മ ചൂണ്ടിക്കാട്ടിയാണ്​ ട്രംപിൻെറ നടപടി. സംഘടനയ്ക്കുള്ള ധനസഹായം അവസാനിപ്പിക്കുമെന്നും തുക മറ്റ് ആരോഗ്യ സംഘടനകള്‍ക്ക് നല്‍കുമെന്നും ഡൊണള്‍ഡ് ട്രംപ് അറിയിച്ചു. ലോകം ആവശ്യപ്പെടുന്ന രീതിയിൽ പ്രവർത്തിക്കുന്നതിൽ ലോകാരോഗ്യസംഘടന പരാജയപ്പെട്ടുവെന്ന്​ ട്രംപ്​ കുറ്റപ്പെടുത്തി. ലോകാരോഗ്യ സംഘടനക്ക്​ ഏറ്റവും കൂടുതൽ ഫണ്ട്​ നൽകുന്ന രാജ്യമാണ്​ യുഎസ്​. 3000 കോടി രൂപയുടെ സഹായമാണ് സംഘടനയ്ക്ക് അമേരിക്ക നല്‍കുന്നത്. ലോകാരോഗ്യ സംഘടന ചൈനയുടെ പാവയാണെന്ന്​ ട്രംപ് നേരത്തെ ആരോപിച്ചിരുന്നു.

Advertisement