വാഷിംഗ്‌ടൺ:
സഹായിക്ക് കൊവിഡ് സ്ഥിരീകരിച്ച സാഹചര്യത്തിൽ ഇനി എല്ലാ ദിവസവും താനും വൈസ് പ്രസിഡന്റ് മൈക്ക് പെന്‍സും വൈറ്റ് ഹൗസ് ജീവനക്കാരും നിശ്ചിത ദിവസം വരെ കൊവിഡ് പരിശോധനക്ക് വിധേയരാകുമെന്ന് അമേരിക്കൻ പ്രസിഡന്റ് ഡൊണാൾഡ് ട്രംപ്. നേരത്തെ ആഴ്ചയില്‍ ഒരിക്കലാണ് കൊവിഡ് ടെസ്റ്റ് നടത്തിയിരുന്നതെന്നും ഇതുവരെ നടത്തിയ പരിശോധനകളുടെ ഫലങ്ങൾ എല്ലാം നെഗറ്റീവ് ആയിരുന്നുവെന്നും അദ്ദേഹം വ്യക്തമാക്കി. ദിവസേന പരിശോധന നടത്തിയാലും രോഗം ബാധിക്കാതിരിക്കുമെന്ന് പറയാനാകില്ലെന്നും ട്രംപ് പറഞ്ഞു.