32 C
Kochi
Wednesday, September 30, 2020

Daily Archives: 13th February 2020

ജപ്പാൻ തീരത്ത് പിടിച്ചുവെച്ച ഡയമണ്ട് പ്രിൻസസ് എന്ന ആഡംബര കപ്പലിലെ കൊറോണ വൈറസ് ബാധ സ്ഥിതീകരിച്ച ഇന്ത്യക്കാരെ ജപ്പാനില്‍ ആശുപത്രിയിൽ പ്രവേശിപ്പിച്ചതായി കേന്ദ്ര ആരോഗ്യമന്ത്രി ഹർഷവർധൻ വ്യക്തമാക്കി. രണ്ട് ഇന്ത്യക്കാരടക്കം 174 പേർക്കാണ് നിലവിൽ കപ്പലിൽ കൊറോണ ബാധിച്ചിരിക്കുന്നത്. വൈറസ് ബാധ ഇന്ത്യയില്‍ റിപ്പോര്‍ട്ട് ചെയ്തതിന്‍റെ പശ്ചാത്തലത്തില്‍ സുരക്ഷയും പരിശോധനയും ശക്തമാക്കിയതായും അദ്ദേഹം പറഞ്ഞു.
ഡോണൾഡ് ട്രംപിനെ നേരിടാനുള്ള സ്ഥാനാർഥിയ്ക്ക് വേണ്ടി ഡെമോക്രാറ്റിക് പാർട്ടി നടത്തിയ ന്യൂഹാം ഷെയര്‍ പ്രൈമറിയിൽ മുതിർന്ന നേതാവ് ബേണി സാൻഡേഴ്സിന് ജയം. ഇന്ത്യാനയിലെ സൗത്ത് ബെന്‍ഡന്‍ മുന്‍ മേയര്‍ പീറ്റ് ബട്ടിംഗിനാണ് രണ്ടാം സ്ഥാനം ലഭിച്ചിരിക്കുന്നത്. ഏമി ക്ലോബഷർ മൂന്നാമതും എലിസബത്ത് വാറൻ നാലാം സ്ഥാനത്തുമാണ് ഉള്ളത്.
ചൈനയിൽ കൊറോണ വൈറസ് ബാധിച്ച് മരിച്ചവരുടെ എണ്ണം 1335 ആയതായി റിപ്പോർട്ട്. ഇന്നലെ മാത്രം 242 പേരാണ് ഹുബൈ പ്രവശ്യയിൽ മരിച്ചത്. ജാഗ്രത അവസാനിപ്പിക്കാൻ സമയമായിട്ടില്ലെന്നും രോഗം ഏങ്ങോട്ടേയ്ക്കും വ്യാപിക്കാൻ ഇപ്പോഴും സാധ്യതയുണ്ടെന്നും ലോകാര്യോഗ്യ സംഘടന മുന്നറിയിപ്പ് നൽകിയിട്ടുണ്ട്. കൊറോണ ഭീഷണിയുടെ പശ്ചാത്തലത്തിൽ ബാഴ്സലോണയിൽ നടക്കാനിരുന്ന ലോക മൊബൈൽ കോൺഗ്രസ് റദ്ദാക്കുകയാണെന്നും അറിയിച്ചിട്ടുണ്ട്.
നിർഭയ കേസിലെ പ്രതികളുടെ വധശിക്ഷ നടപ്പാക്കാനുള്ള മരണവാറണ്ട് പുറപ്പെടുവിക്കണം എന്നാവശ്യപ്പെട്ടുകൊണ്ടുള്ള ഹർജി ദില്ലി പട്ട്യാല ഹൗസ് കോടതി തിങ്കളാഴ്ചത്തേയ്ക്ക് മാറ്റിവെച്ചു. ദയാഹർജി തള്ളിയതിനെതിരെ വിനയ് ശർമ സമർപ്പിച്ച ഹർജിയിൽ നാളെയാണ് സുപ്രിം കോടതി ഉത്തരവ് വരുന്നത്. എന്നാൽ പ്രതികളുടെ വധശിക്ഷ വെവ്വേറെ നടപ്പാക്കാന്‍ അനുവദിക്കണമെന്ന കേന്ദ്ര സര്‍ക്കാരിന്‍റെയും സംസ്ഥാന സര്‍ക്കാരിന്‍റെയും ഹര്‍ജിയില്‍ നാളെ മറുപടി വന്നേക്കും.
ഏഴാമത് ദര്‍ബംഗാ ഇന്റര്‍നാഷണല്‍ ഫിലിം ഫെസ്റ്റിവെലില്‍ മികച്ച  ഫീച്ചര്‍ ഫിലിം ആയി തിരഞ്ഞെടുക്കപ്പെട്ടത് 'മൊഹബ്ബത്തിന്‍ കുഞ്ഞബ്ദുള്ള'. ബെന്‍സി പ്രൊഡക്ഷന്‍സിന്റെ ബാനറില്‍ ബെന്‍സി നാസര്‍ നിര്‍മ്മിച്ച ഈ ചിത്രത്തിൽ ഇന്ദ്രന്‍സും ബാലുവര്‍ഗ്ഗീസും പ്രധാന കഥാപാത്രങ്ങളെ അവതരിപ്പിച്ചിട്ടുണ്ട്. വര്‍ഷങ്ങള്‍ക്കു മുമ്പ് നാട് വിട്ട് മുംബൈയിലെത്തിയ കുഞ്ഞബ്ദുള്ള 65-ാം വയസ്സില്‍ തന്റെ പ്രണയിനിയെത്തേടി അലയുന്നതാണ് ചിത്രത്തിന്റെ പ്രമേയം.
തിരുവനന്തപുരം: തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പ് വൈകില്ലെന്നും 2015-ലെ വോട്ടർ പട്ടികയുടെ അവസാന കരടിന്‍റെ ജോലികൾ നിർത്തി വയ്ക്കുകയാണെന്നും തിരഞ്ഞെടുപ്പ് കമ്മീഷണർ സി ഭാസ്കരൻ അറിയിച്ചു. ഹൈക്കോടതിയുടെ വിധിപ്പകർപ്പ് കിട്ടിയ ശേഷം, എന്ത് തുടർനടപടികൾ സ്വീകരിക്കണമെന്ന് തീരുമാനിക്കുമെന്നും അദ്ദേഹം പറഞ്ഞു. എന്നാൽ വിധിപ്പകർപ്പ് കിട്ടിയ ശേഷം സുപ്രീംകോടതിയിലേക്ക് പോകുന്ന കാര്യം തീരുമാനിക്കുമെന്നാണ് കമ്മീഷണർ വ്യക്തമാക്കിയിരിക്കുന്നത്.
'ഉണ്ട' എന്ന ചിത്രത്തിന്റെ ഷൂട്ടിങ്ങിനായി കാറഡുക്ക പാർഥക്കൊച്ചി വനത്തിൽ കാര്യമായ നശീകരണപ്രവർത്തനങ്ങൾ നടന്നിട്ടില്ലെന്നും പുറമെനിന്ന് മണ്ണ് കൊണ്ടുവന്നിട്ടത് വനംവകുപ്പ് തന്നെ അറ്റകുറ്റപ്പണി നടത്തി സംരക്ഷിച്ചുപോരുന്ന റോഡിലാണെന്നും പരിസ്ഥിതി മന്ത്രാലയം റിപ്പോർട്ട് നൽകി. എന്നാൽ പരിസ്ഥിതി വിരുദ്ധ റിപ്പോർട്ടാണിതെന്നും സിനിമാക്കമ്പനിയെ രക്ഷിക്കാനാണ് ഈ നിലപാട് എടുത്തതെന്നും പരിസ്ഥിതി പ്രവർത്തകർ പറയുന്നു.
ഗോവ: പ്രശസ്ത ഫാഷന്‍ ഡിസൈനറും സാമൂഹ്യപ്രവര്‍ത്തകനും പദ്മശ്രീ പുരസ്‌കാര ജേതാവ് കൂടിയായ വെന്‍ഡെല്‍ റോഡ്രിക്‌സ് അന്തരിച്ചു. ഇന്നലെ ഗോവയിലെ വീട്ടില്‍ വച്ചായിരുന്നു അന്ത്യം. ഇന്ത്യൻ ഫാഷന്‍ മേഖലയില്‍ തന്റേതായ വ്യക്തിമുദ്ര പതിപ്പിച്ചിട്ടുള്ള ഇദ്ദേഹം സ്വവര്‍ഗാനുരാഗികളുടെ അവകാശങ്ങള്‍ക്ക് വേണ്ടി പ്രവർത്തിച്ചിരുന്നു. സ്വന്തമായി ഒരു ഫാഷന്‍ മ്യൂസിയം ഒരുക്കുന്നതിനോടൊപ്പം പുസ്തക രചനയിലും എഴുത്തിലും ആയിരുന്നതിനാൽ റോഡ്രിക്‌സ് ഫാഷന്‍ രംഗത്ത് നിന്ന് വിട്ടു നില്‍ക്കുകയായിരുന്നു.
ഓസ്കർ നേടിയ 'ഓയ് സ്റ്റോറി 4' എന്ന ആനിമേറ്റഡ് ചിത്രത്തിന് ശേഷം ഡിസ്‌നി പിക്ച്ചർസ് ഒരുക്കിയ ഫാന്റസി ആനിമേറ്റഡ് ചിത്രം 'ഓണവാർഡ്'  മാർച്ച് 6 ന് ഇന്ത്യയിൽ റിലീസ് ചെയ്യും. ലോകത്ത് ഒരു ചെറിയ രീതിയിലെങ്കിലും മാന്ത്രികത അവശേഷിക്കുന്നുണ്ടോ എന്ന് രണ്ട് സഹോദരങ്ങൾ അന്വേഷിക്കുന്ന കഥയാണ് ഈ ചിത്രം. തന്റെ സഹോദരനും മരിച്ചു പോയ അച്ഛനുമായുള്ള ബന്ധത്തിൽ നിന്ന് പ്രചോദനം ഉൾക്കൊണ്ടാണ് ഈ ചിത്രം എടുത്തിരിക്കുന്നതെന്ന് സംവിധായകൻ ഡാൻ സ്കാൻലോൺ...
ഉത്തർപ്രദേശ് : ലക്‌നൗ കോടതിയുടെ പരിസരത്തുണ്ടായ സ്ഫോടനത്തിൽ രണ്ട് അഭിഭാഷകർക്ക് പരിക്ക്. സഞ്ജീവ്‌ ലോധി എന്ന അഭിഭാഷകന്റെ ചേമ്പറിനു നേരെയാണ് ബോംബേറുണ്ടായത്. സംഭവത്തിൽ ലോധി പരിക്കേൽക്കാതെ രക്ഷപെട്ടു. ഇദ്ദേഹത്തിന് നേരെ രണ്ടു ബോംബുകളാണ് അജ്ഞാതരായ അക്രമികള്‍ എറിഞ്ഞത്. ഇതിലൊന്നാണ് പൊട്ടിത്തെറിച്ചത്. മറ്റൊരു അഭിഭാഷകനായ ജിതു യാദവാണ് ആക്രമണത്തിന് പിന്നിലെന്ന് ലോധി ആരോപിച്ചു.ഇതേ തുടർന്ന് പ്രദേശത്തുനിന്ന് പോലീസും ബോംബ് സ്‌ക്വാഡും നടത്തിയ പരിശോധനയിൽ മൂന്നു ബോംബുകൾ കൂടി കണ്ടെത്തി. ക്രൂഡ് ബോംബാണ് പൊട്ടിത്തെറിച്ചതെന്നാണ് പ്രാഥമിക...