ജപ്പാനിൽ ശക്തമായ ഭൂചലനം ; സുനാമി സാധ്യതയില്ല

ടോ​ക്കി​യോ:

ജ​പ്പാ​നെ നടുക്കി വീണ്ടും ശ​ക്ത​മാ​യ ഭൂ​ച​ല​നം. റി​ക്ട​ര്‍ സ്കെ​യി​ലി​ല്‍ 6.2 തീ​വ്ര​ത രേ​ഖ​പ്പെ​ടു​ത്തി​യ ഭൂ​ച​ല​ന​മാ​ണ് ഉണ്ടാ​യ​ത്. ജ​പ്പാനിലെ ഫു​ക്കു​ഷി​മ എന്ന പ്രദേശത്താണ് ഭൂചലനമുണ്ടായത്. 250 കിലോമീറ്റർ അകലെയുള്ള തലസ്ഥാനനഗരമായ ടോ​ക്കി​യോ വരെ ഭൂചലനത്തിന്റെ ആഘാതമനുഭവപ്പെട്ടതായാണ് റിപ്പോർട്ടുകൾ.

പ്രാ​ദേ​ശി​ക സ​മ​യം വൈ​കി​ട്ട് 7.30നാ​യി​രു​ന്നു സം​ഭ​വം. ഭൂ​ച​ല​ന​ത്തി​ല്‍ ഇതുവരെ ആ​ളാ​പ​യ​മോ നാ​ശ​ന​ഷ്ട​മോ രേ​ഖ​പ്പെ​ടു​ത്ത​പ്പെട്ടി​ട്ടി​ല്ല. സു​നാ​മി മു​ന്ന​റി​യി​പ്പും ന​ല്‍​കി​യി​ട്ടി​ല്ല.

ഭൂകമ്പങ്ങൾ സാധാരണമായ രാജ്യമാണ് ജപ്പാൻ. ആറോ അതിലധികമോ തീവ്രതയുള്ള ആഗോളതലത്തിൽ രേഖപ്പെടുത്തപ്പെട്ട 20 ശതമാനം ഭൂകമ്പങ്ങളും ഉണ്ടായിട്ടുള്ളത് ജപ്പാനിലാണ്.

2011 ൽ ജപ്പാനിലുണ്ടായ ഭൂകമ്പത്തിന്റെ തീവ്രത റിക്ടർ സ്കെയിലിൽ ഒൻപതായിരുന്നു. പതിനയ്യായിരത്തോളം മനുഷ്യരാണ് അന്ന് ഭൂകമ്പത്തിലും സുനാമിയിലുമായി കൊല്ലപ്പെട്ടത്.