ഒരു ദിവസം മുഴുവൻ പാറക്കെട്ടിനുള്ളിൽ; യുവാവിനെ രക്ഷപ്പെടുത്തിയത് സാഹസികമായി

താ​മ​ര​ശ്ശേ​രി:

പാ​റ​ക്കെ​ട്ടി​നു​ള്ളി​ൽ കു​ടു​ങ്ങി​യ യു​വാ​വി​നെ ഫ​യ​ർ ഫോ​ഴ്സും പൊ​ലീ​സും നാ​ട്ടു​കാ​രും ചേ​ർ​ന്ന് ര​ക്ഷ​പ്പെ​ടു​ത്തി. ചെ​മ്പ്ര ക​ല്ല​ട​പ്പൊ​യി​ൽ ബി​ജീ​ഷാ​ണ് (36) ചെ​മ്പ്ര സ്കൂ​ളി​നു സ​മീ​പ​ത്തെ ക്വാ​റി​യി​ലെ പാ​റ​ക​ൾ​ക്കി​ട​യി​ൽ കു​ടു​ങ്ങി​യ​ത്. വ്യാ​ഴാ​ഴ്ച വൈ​കീ​​ട്ടോ​ടെ​യാ​ണ്​ ഇ​യാ​ൾ ക്വാ​റി​യി​ൽ എ​ത്തി​യ​ത്.

രാ​ത്രി മു​ഴു​വ​ൻ ശ​ക്ത​മാ​യ മ​ഴ​യി​ൽ പാ​റ​ക്കെ​ട്ടി​നു​ള്ളി​ൽ കു​ടു​ങ്ങി​ക്കി​ട​ന്നു. വെ​ള്ളി​യാ​ഴ്ച ഉ​ച്ച​ക്ക് ഒ​ന്ന​ര​യോ​ടെ ക​ര​ച്ചി​ൽ കേ​ട്ട്​ പ്ര​ദേ​ശ​വാ​സി​ക​ൾ തി​ര​ച്ചി​ൽ ന​ട​ത്തി​യ​പ്പോ​ഴാ​ണ് ര​ണ്ടു കാ​ലു​ക​ൾ മാ​ത്രം പു​റ​ത്തേ​ക്ക് കാ​ണു​ന്ന രീ​തി​യി​ൽ പാ​റ​ക്കൂ​ട്ട​ങ്ങ​ൾ​ക്കി​ട​യി​ൽ ബി​ജീ​ഷി​നെ ക​ണ്ടെ​ത്തി​യ​ത്. തു​ട​ർ​ന്ന് താ​മ​ര​ശ്ശേ​രി പൊ​ലീ​സി​നെ​യും ഫ​യ​ർ​ഫോ​ഴ്സി​നെ​യും വി​വ​ര​മ​റി​യി​ക്കു​ക​യാ​യി​രു​ന്നു.

ന​രി​ക്കു​നി​യി​ൽ​നി​ന്ന് സ്​​റ്റേ​ഷ​ൻ ഓ​ഫി​സ​ർ കെ ​പി ജ​യ​പ്ര​കാ​ശിൻറെ നേ​തൃ​ത്വ​ത്തി​ൽ ഫ​യ​ർ ഫോ​ഴ്സും താ​മ​ര​ശ്ശേ​രി പൊ​ലീ​സും നാ​ട്ടു​കാ​രും ചേ​ർ​ന്നാ​ണ് ര​ക്ഷാ​പ്ര​വ​ർ​ത്ത​നം ന​ട​ത്തി​യ​ത്. പാ​റ​ക്ക​ല്ലു​ക​ൾ നീ​ക്കി​യ ശേ​ഷം മ​റ്റു ക​ല്ലു​ക​ൾ ക​യ​റി​ട്ട് ബ​ന്ധി​പ്പി​ച്ച് സാ​ഹ​സി​ക​മാ​യാ​ണ് ഇ​യാ​ളെ പു​റ​ത്തെ​ത്തി​ച്ച​ത്. അ​വ​ശ​നാ​യ വി​ജീ​ഷി​നെ താ​മ​ര​ശ്ശേ​രി താ​ലൂ​ക്ക് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

അ​സി സ്​​റ്റേ​ഷ​ൻ ഓ​ഫി​സ​ർ​മാ​രാ​യ ടി ​പി രാ​മ​ച​ന്ദ്ര​ൻ, കെ ​കെ ര​മേ​ശ​ൻ, സീ​നി​യ​ർ ഫ​യ​ർ ആ​ൻ​ഡ്​ റെ​സ്ക്യൂ ഓ​ഫി​സ​ർ എ​ൻ ഗ​ണേ​ശ​ൻ, ഫ​യ​ർ ആ​ൻ​ഡ്​ റെ​സ്ക്യൂ ഓ​ഫി​സ​ർ​മാ​രാ​യ എ ​നി​പി​ൻ​ദാ​സ്, ഒ അ​ബ്​​ദു​ൽ ജ​ലീ​ൽ, ടി ​സ​നൂ​പ് തു​ട​ങ്ങി​യ​വ​രും പ്ര​ദേ​ശ​വാ​സി​ക​ളാ​യ എ ​കെ ബാ​ദു​ഷ, ടി ടി റ​ഷീ​ദ്, എം ​പി റ​ഷീ​ദ്, കെ ​പി ബേ​ബി, എ ​കെ ഷൗ​ക്ക​ത്ത​ലി, ടി ടി റ​ഫീ​ഖ് തു​ട​ങ്ങി​യ​വ​രും ര​ക്ഷാ​പ്ര​വ​ർ​ത്ത​ന​ത്തി​ൽ പ​ങ്കാ​ളി​ക​ളാ​യി.